YUHANIS 15:2 - PEJANJIAN EMPAI CERITAU ILUAK

² Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

YUHANIS 15:2 ပူးပေါင်းရင်းမြစ်များ

MATIUS 13:12

Jemau diau la adau ka dienju'i lebia banyak agi, mangku diau ka belebihan. Anyautu jemau diau nidau bediau tuapau-apau, setu diau adau di diau ka diambiak pulau jak di diau.

MATIUS 13:33

Mangku Diau ngiciakka ceritau ini pulau ngan ughangtu, “Amun Allah merinta, keadaannyau luak ghagi diau diambiak sughang tinau, diundakka ngan ghebuak sebantal enggut gegalaunyau kembang.”

MATIUS 15:13

Yesus nimbal, “Bilang tanaman diau nidau ditanam Bapakku di sergau ka dicabut ngan akaghau.

MATIUS 21:19

Diau nginak sebatang aghau di tepi jalan, dijengu'Au batang aghau itu. Diau nidau tekinak sebua kia buahau, cuman daunau ajau. Mangku Diau bekatau ngan batang aghautu, “Kaba nidau ka bebua agi selelamaunyau.” Mangku batang aghautu layu.

MATIUS 25:29

Karnau bilang jemau diau buadau ka dienjuakka agi, mangku diau belebia. Anyautu jemau diau nidau bediau tuapau-apau, setu diau gi adau di diau ka diambiak pulau jak di diau.

MATIUS 3:10

Kapak la adau di akagh kayu, mangku bilang kayu diau nidau ngasilka bua diau iluak ditebang mangku dicapakka dalam api.

MATIUS 3:12

Di tanganAu la adau nighu endak nampi ighi'anNyau, padiAu endak ditunggalka dalam tengkiang. Gegalau ampaunyau ka disilap ngan api diau nidau ka padam.”

MATIUS 7:19

Bilang kayu diau nidau ngasilka bua diau iluak, cetau ditebang mangku dicapakka dalam api.

MARKUS 4:20

Mangku benia diau tumban di tana iluak tadi umpamau jemau diau ndengaghka ceritau Allah ngan nerimaunyau, mangku bebua banyak. Asilau adau diau tigau pulua, adau diau enam pulua, adau pulau diau seratus.”

LUKAS 8:13

Benia diau tumban di tana bebatu-batu itu ibarat jemau diau ndengagh kici'antu, nerimaunyau ngan riang, anyautu ceritautu nidau mendam di atiau. Ughangtu percayau jerang ajau, mangku amun diuji, diau ngelipat agi.

YUHANIS 15:1

“Akuni umpamau batang anggur diau asli, mangku BapakKu tukang sayiau.

YUHANIS 15:16

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 15:3

Kamu la diberesiaka karnau kici'anKu diau la Kukiciakka ngan kamu.

YUHANIS 15:6

Jemau diau nidau mendam di Aku dicapakka keluagh luak cangka, mangku njadi keghing. La udim ditunggalka jemau, dicapakka ke dalam api, mangku mutung.

YUHANIS 15:8

Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

YUHANIS 17:12

Masau Aku gi adau guak ughangtu, Aku la nyayia ughangtu ngan kuasau namau Dighi, namau diau la Dighi namauka ngan Aku. Aku la njagaui ughangtu, mangku nidau sughang kia jak di ughangtu benasau lain jak di jemau diau semestiau benasau, mangku setu diau ditulis dalam Injil ditepati.

RUM 11:17

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak.

RUM 11:22

Kitau nginak keilu'an Allah ngan ketegasan Allah. Diau tegas ngan jemau diau bedusau, tapitu iluak ngan kamu, amun kamu maju idup pantas nerimau keilu'anNyau. Amun nidau, kamu pulau ka dicapakka.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

1 KURINTUS 13:1

Empuak aku pacak ngiciak serbau mecam basau manusiau ngan basau malaikat pulau, anyautu amun aku nidau nyayangi jemau lain, aku semegi ngan gung ngan canang diau dimunika asal ajau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 12:15

Jagauila, supayau jangan adau diau njawuaka diriau jak di keilu'an Allah, supayau jangan adau akagh diau beracun tumbua di guak kamu, mangku nimbul kekacauan ngan merusak banyak jemau karnau racunau.

1 YUHANIS 2:19

Ughangtu jak di kitau, anyautu la ninggalka kitau, karnau ughangtu ukan jemau kitau nian. Amun ughangtu jemau kitau nian, cengki ughangtu maju seghundak ngan kitau. Anyautu ughangtu la ninggalka kitau, mangku tenyatau, bansau nidau sughang kia jak di ughangtu jemau kitau.

PENGINA'AN 3:19

Jemau diau Kusayangi Kutengul ngan Kusakiti. Karnau itu rilakala ati kaba ngan ubaila jak di perembak kaba!