YUHANIS 15:16 - PEJANJIAN EMPAI CERITAU ILUAK

¹⁶ Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 15:16 ပူးပေါင်းရင်းမြစ်များ

MATIUS 21:22

Tuapau ajau diau kamu pintak dalam du'a kamu ka nerimaunyau, amun kamu percayau nian.”

MATIUS 7:7

“Pintakla, mangku kamu ka dienju'i. Bedalakla, mangku kamu ka bepulian. Gagurla duaghau, mangku kamu ka dibuka'i.

LUKAS 6:13

Aghi la siang dipantauNyau anak-buaHau, dipiliHau duau belas jak di ughangtu, diau dikiciakkaNyau pulau rasul.

YUHANIS 13:18

Setu diau Kukiciakka, ukanau ngiciakka kamu gegalaunyau. Aku keruan, sapau-sapau diau la Kupilia. Anyautu setu diau ditulis di Injil mesti tejadi: ‘Jemau diau la makan ngan Aku ka melawan Aku.’

YUHANIS 15:19

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.

YUHANIS 15:5

Akunila batang anggur, kamunila cangka-cangkahau. Jemau diau mendam di Aku ngan Aku di diau, jemautu ka banyak buahau. Amun Aku nidau nulung, kamu nidau pacak mbuat tuapau-apau.

YUHANIS 6:70

Yesus nimbal, “Apu ukan Akuni diau milia kamu duau belas ughangni? Anyautu sughang jak di kamutu jemau ja'at.”

RASUL 1:24

Mangku ughangtu bedu'a, kataunyau, “Tuhan, Dighi keruan gegalau ati jemau. Tunjuakkala ngan kami, sapau jak di duau ughang ini diau Dighi pilia

RASUL 1:8

Kamuni ka nerimau kuasau, amun Rua Allah nguasaui kamu, mangku kamu ka nceritauka ngan jemau gegalaunyau diau kamu keruani ceritau Aku. Kebarka ngan kamu di Yerusalim, di gegalau Yudia ngan Samaria enggut sampai ke ujung deniau.”

RASUL 10:41

ukan ngan gegalau jemau, cuman ngan kami diau la dulu dipilia Allah, supayau ngiciakkanyau. La udim Diau ngulang idup jak di mati, kamini la makan ngan Diautu.

RASUL 22:14

Mangku kataunyau agi, ‘Allah niniak puyang kitau la netapka kaba, supayau kaba ngeruani kenda'Au ngan nginak Jemau diau suci diau ngerjauka kendak Allah ngan ndengagh suarauNyau,

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

RUM 1:13

Kantin-kantinku, aku endak, supayau kamu keruan, bansau la rajin aku endak nian berayak ngan kamu, anyautu maju adau alangan. Aku endak, supayau di guak kamutu pulau kerjauku buasil, luak kerjauku buasil di guak jemau bangsau lain.

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RUM 15:4

Gegalaunyau diau la ditulis di Injil endak ngajagh kitau, supayau kitau tekun ngan tegua ngaghapka Allah, karnau ajaghan Injiltu.

RUM 9:21

Apu ukan tukang peghiyuak behak ngerjauka tana liat sekenda'au? Tukangtu behak ngerjauka setu duau mecam pakai sebungka diau semegi, semecam batan endak kerjau diau iluak, semecam batan endak kerjau diau biasau.

1 KURINTUS 10:11

Gegalaunyautu tejadi ngan ughangtu njadi cuntau ngan jemau lain, mangku ditulis njadi peringatan batan endak kitau, kitau diau idup masau pengabisan saman ini.

GALATIA 1:15

Anyautu karnau keilu'an atiAu Allah milia aku, antak ka aku adau mangku ngajung aku bekerjau batan endak Diau.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:6

Ceritau iluak jak di Allahtu la tesiar di gegalau deniau, mangku ngenjuakka setu diau iluak ngan jemau. Luak itu pulau kamu, jak kamu empai ndengagh ceritautu senitu ngan nerimau keilu'an Allah ngenian.

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

2 TIMUTIUS 1:11

Endak ngiciakka ceritau iluak itu Allah milia aku njadi rasul ngan guru.

2 TIMUTIUS 2:2

Ajaghan diau la kaba dengagh jak di aku di mukau jemau banyak mesti kaba percayauka ngan jemau diau pacak dipercayaui ngan cakap ngajagh jemau.

TITUS 1:5

Aku la ninggalka kaba di Kerita, mangku kaba ngatur setu diau mesti diatur. Kaba mesti milia pengulu di bilang kuta, luak diau la kuajungka ngan kaba.

IBRANI 11:4

Karnau percayau, mangku Abil ngenjuakka kerban ngan Allah diau lebia iluak jak di kerban Kain. Itula sebapau Abil diterimau Allah njadi jemau diau benagh, karnau Allah nerimau kerbanau ngan riang. Karnau percayau nian, diau maju ngiciak, empuak la mati.

YAKUBUS 3:18

Nyela, keilu'an diasilka jak di damai jak di jemau diau galak damai.

1 PITRUS 3:15

Dalam ati kamu regauila Keristus, karnau Diau Tuhan. Mangku kamu mesti maju siap-siagau nimbali jemau diau betanyau nanyauka aghapan diau adau di kamu.

1 PITRUS 3:2

karnau diau nginak kerjau kamu diau beresia ngan alim nian.

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

1 YUHANIS 4:19

Kitau nyayangi jemau, karnau Allah la dulu nyayangi kitau.