YUHANIS 11:47 - PEJANJIAN EMPAI CERITAU ILUAK

⁴⁷ Mangku imam-imam bepangkat tinggi ngan jemau Parisi ngajung pengadilan agamau betunggal, ngiciakka, “Tuapau diau mesti kitau kerjauka? Jemau itu ngerjauka banyak tandau nyelia.

YUHANIS 11:47 ပူးပေါင်းရင်းမြစ်များ

MATIUS 26:3

Masau itu imam-imam bepangkat tinggi ngan tuau-tuau jemau Yahudi betunggal di istana Imam Besak Kayapas.

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

MARKUS 14:1

Duau aghi agi aghi rerayau Paska ngan aghi rerayau Ruti Nidau Beghagi ka mulai, mangku imam-imam bepangkat tinggi ngan guru-guru ukum Taurat ndalak jalan endak nangkap Yesus carau diam-diam endak mbunua Diau.

LUKAS 22:2

Imam-imam bepangkat tinggi ngan guru-guru ukum Taurat dang ndalak jalan endak mbunua Yesus carau diam-diam, karnau ughangtu takut ngan jemau banyak.

YUHANIS 11:57

Imam-imam bepangkat tinggi ngan jemau Parisi la merintaka, bilang jemau diau keruan bada Yesus mesti ngiciakkanyau ngan ughangtu, supayau Yesus ditangkap.

YUHANIS 12:19

Mangku jemau Parisi ngiciak sughang ngan diau lain, kataunyau, “Na, kamu la nginak, kitau nidau pacak mbuat tuapau-apau. Gegalau jemau deniauni datang ngikut Diau.”

YUHANIS 2:11

Tandau diau dulu sekali ini dibuat Yesus di Kana di Galilia. Ngan tandau itu Diau nginakka kuasauNyau, mangku anak-buaHau percayau ngan Diau.

YUHANIS 6:2

Jemau banyak ngikut Diau, karnau ughangtu la nginak tandau-tandau diau dikerjaukaNyau ngan meghadui jemau buidapan.

YUHANIS 7:32

Jemau jak di rumbungan jemau Parisi ndengagh jemau banyaktu mbisiakka Yesus luak itu. Karnau itu ughangtu ngan imam-imam bepangkat tinggi ngajung penjagau Ghuma Allah pegi nangkap Yesus.

YUHANIS 7:45

Mangku penjagau Ghuma Allah diau diajung nangkap Yesus ngelipat agi. Imam-imam bepangkat tinggi ngan jemau Parisitu betanyau ngan ughangtu, kataunyau, “Ngapau kamu nidau mbata'i Diau ke sini?”

RASUL 5:21

Mangku rasultu nuruti pesan malaikattu. Gi akap nianan ughangtu masuak Ghuma Allah mangku mulai ngajagh di situ. Penarau itu Imam Besak ngan anak-buahau ngajung gegalau pengulu-pengulu jemau Yahudi betunggal endak ngadauka sidang pengadilan agamau. Mangku ughangtu ngajung jemau njenguak rasul tadi di jil endak dibatak ngadap sidangtu.

RASUL 5:24

Kumandan penjagau Ghuma Allah ngan imam-imam ndengagh kici'antu, ughangtu temas ngan nanyauka, tuapau diau la tejadi ngan rasul tadi.