YUHANIS 10:10 - PEJANJIAN EMPAI CERITAU ILUAK

¹⁰ Risau datang endak maling, endak mbunua, endak merusak. Akuni datang, supayau kapu dighi bulia idup, idup sempernau ngan gegalaunyau adau.

YUHANIS 10:10 ပူးပေါင်းရင်းမြစ်များ

MATIUS 18:10

Ingatkala, mangku kamu jangan nggelakka sala sughang jak di budak keciak ini, karnau malaikatau maju adau di adapan BapakKu di sergau.

MATIUS 18:11

Karnau Anak Manusiau datang endak nyelamatka jemau diau sesat.”

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

MATIUS 21:13

mangku dikiciakkaNyau ngan ughangtu, “Di Injil Allah bekatau, ‘GhumaKu ghuma du'a.’ Anyautu kamu njadikanyau saghang bandit.”

MATIUS 23:13

“Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi ngalangi jemau njadi umat Allah. Kapu dighitu nidau ka njadi umat Allah, mangku jemau lain diau endak nidau kapu dighi ajung.

MARKUS 11:17

Mangku Diau ngajagh ughangtu, katauNyau, “Di Injil ditulis luak ini: Allah bekatau, ‘GhumaKu dikiciakka ghuma du'a batan endak gegalau bangsau.’ Anyautu kamuni la njadikanyau saghang bandit.”

LUKAS 19:10

Anak Manusiau datang endak ndala'i jemau lengit ngan nyelamatka jemau sesat.”

YUHANIS 10:1

“KatauKu ini benagh: Jemau diau masuak sangkaran bebiri nidau jalan duaghau, anyautu nayiak kandang, jemautu pemaling ngan perampuk.

YUHANIS 10:11

Akunila tukang sayia bebiri diau iluak lagi ngarap. Tukang sayia bebiri diau iluak ngenjuakka nyawaunyau batan endak bebiriau.

YUHANIS 12:47

Amun adau jemau diau ndengagh kici'anKu, anyautu nidau nurutinyau, Aku nidau ka ngukumau, karnau Aku datang ukan endak ngukum deniau, tapitu endak nyelamatkanyau.

YUHANIS 12:6

Yudas ngiciak luak itu, ukan karnau diau nyanauka jemau serik, anyautu karnau diau pemaling ngan maju ngambiak tanci ughangtu diau diimpaninyau.

YUHANIS 3:17

Karnau Allah ngajung Ana'Au pegi ke deniau ukan endak ngadili, tapitu endak nyelamatkanyau karnau Diau.

YUHANIS 5:40

anyautu kapu dighi enggup datang njenguak Aku, mangku bulia idup itu.

YUHANIS 6:33

Karnau makanan diau jak di Allahtu makanan diau tughun jak di sergau diau ngenjuakka idup ngan deniauni.”

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

RUM 2:21

Kamu ngajagh jemau. Ngapau kamu nidau ngajagh diri kamu sendighi? Kamu ngajagh jemau mangku jangan maling, apu kamutu nidau maling?

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

IBRANI 6:17

Allah endak negaska ngan jemau diau nerimau janjiAutu, bansau Diau nidau ka ngubai rencanauNyau. Itula sebapau Diau nambai sumpaHau ngan janjiAutu.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.