YUDAS 1:7 - PEJANJIAN EMPAI CERITAU ILUAK

⁷ Ingatla pulau kuta Sudum ngan Gumura ngan dusun-dusun di ngepungannyau. Jemau kuta itu ngerjauka setu diau semegi ngan malaikat tadi. Ughangtu ngerjauka setu diau ja'at ngan menaugawia ngan ndalak kepuasan diau nidau pantas. Ughangtu la diukum ngan api diau nidau padam-padam, njadi peringatan batan endak gegalau jemau.

YUDAS 1:7 ပူးပေါင်းရင်းမြစ်များ

MATIUS 10:15

Keruanila, masau aghi kiamat banyakla tanggungan kuta itu sangkan Sudum ngan Gumura.”

MATIUS 11:24

Keruanila, masau aghi kiamat banyakla tanggungan kamutu sangkan jemau Sudum.”

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

LUKAS 17:29

Anyautu satu Lut ngeluagh jak di Sudum, aghi itu ujan api ngan belirang tughun jak di langit, mangku jemau mati galau.

1 KURINTUS 6:9

Cengki kamu keruan, jemau diau nidau nuruti kendak Allah nidau ka bulia hak njadi umat Allah. Jangan kamu tetipu. Jemau diau ngerjauka kerjau ja'at, nyemba patung, menaugawia, sangi ribangka selanangan, sangi ribangka setinauan,

2 TESALUNIKA 1:7

Mbak kini kitau diau sengsarau. Allah ka mbibaska kitau nanti, masau Tuhan Yesus tughun jak di sergau ngan malaikatAu diau bekuasau.

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

2 PITRUS 2:2

Banyak jemau ka ngikuti carau idup ughangtu diau dikuasaui serilaunyau. Mangku ikak kerjau ughangtu banyak jemau ka nggelakka jalan diau benagh.

2 PITRUS 2:6

Luak itu pulau ngan kuta Sudum ngan Gumura. Allah mbenasauka kuta itu ngan api, mangku njadi peringatan batan endak jemau ja'at di masau la udim itu.

2 PITRUS 3:7

Anyautu langit ngan deniau diau adau mbak kini disayia ngan katau Allah, ka dibenasauka pulau ngan api. Diau gi nunggu enggut masau jemau diau nidau keruan Allah diukum ngan dibenasauka.