YUDAS 1:18 - PEJANJIAN EMPAI CERITAU ILUAK

¹⁸ Ughangtu maju ngiciakka ngan kamu senitu, “Antak ka aghi kiamat ka adau jemau diau ka nggelakka kamu. Ughangtu idup nurut serilaunyau diau ja'at.”

YUDAS 1:18 ပူးပေါင်းရင်းမြစ်များ

RASUL 20:29

Aku keruan, amun aku la pegi, setuau diau ganas ka datang guak kapu dighi, mangku jemau diau kapu dighi jagauitu ka njadi makanan setuautu.

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

2 TIMUTIUS 4:3

Karnau ka sampai masaunyau jemau nidau endak agi nerimau ajaghan diau benagh. Anyautu ughangtu ka nunggalka banyak guru nurut kendak ughang itula endak diajagh setu diau lemak didengagh.

2 PITRUS 2:1

Masau baghini la adau cak nabi di guak umat Allah. Luak itu pulau di guak kamu ka adau guru diau nyesatka. Ughangtu ka ngajaghka ajaghan diau nidau benagh diau mbenasauka jemau. Ughangtu nidau ngaku'i penguasau diau la nebus ughangtu. Ngan carau luak itu ughangtu sala sendighi, sangkan cepat diukum.

2 PITRUS 2:10

terutamau jemau diau nuruti serilaunyau diau nidau senangaian ngan nggelakka kuasau Allah. Ughangtu geduak ngan beghani nian mangku nidau takut nggelakka malaikat diau agung di sergau.

2 PITRUS 3:3

Diau penting diau mesti kamu keruani, bansau masau pengabisan saman ka adau jemau diau idupau dikuasaui serilaunyau. Ughangtu ka nggelakka kamu.

YUDAS 1:16

Ughangtu maju bejijia ajau ngan nyempit karnau penanggungannyau. Ughangtu idup nurut serilau. Ughangtu muji diriau ngan cak iluak, supayau dapat untung.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.