YUDAS 1:11 - PEJANJIAN EMPAI CERITAU ILUAK

¹¹ Ughangtu celakau! Ughangtu ngikuti jalan Kain. Ughangtu endak tanci, mangku ncelakauka diriau ngan sesat luak Biliam. Ughangtu ka benasau karnau melawan luak Kura.

YUDAS 1:11 ပူးပေါင်းရင်းမြစ်များ

MATIUS 11:21

“Celakaula kamu, jemau Kurasim! Celakaula kamu, jemau Betsaida. Misalau tandau nyelia diau dikerjauka guak kamu dikerjauka di Tirus ngan Sidun, cengki ughangtu la lamau ngubai peremba'au jak di dusaunyau ngan mbaduki pala'au.

IBRANI 11:4

Karnau percayau, mangku Abil ngenjuakka kerban ngan Allah diau lebia iluak jak di kerban Kain. Itula sebapau Abil diterimau Allah njadi jemau diau benagh, karnau Allah nerimau kerbanau ngan riang. Karnau percayau nian, diau maju ngiciak, empuak la mati.

2 PITRUS 2:15

Ughangtu enggup ngikut jalan diau benagh, mangku ughangtu sesat. Ughangtu milia jalan diau diturut Biliam ngan Biur senitu diau galak nerimau upa jak di kerjau diau ja'at.

1 YUHANIS 3:12

Jangan kamu luak anak Adam diau benamau Kain diau asalau jak di iblis ngan mbunua adingau. Mangku tuapau sebapau diau mbunua? Karnau kerjaunyautu ja'at galau, kerjau adingautu benagh.

PENGINA'AN 2:14

Empuak luak itu adau pulau sala kaba. Adau jemau jak di kamu diau ngikut ajaghan Biliam. Biliamtu ngajaghka Balak carau nyesatka jemau Israil, supayau ughangtu menaugawia ngan makan makanan diau la disiwauka.