YAKUBUS 5:15 - PEJANJIAN EMPAI CERITAU ILUAK

¹⁵ Bedu'a ngan Tuhan ngan percayau, mangku jemau buidapantu ka ghadu. Tuhan ka meghadukanyau, mangku amun diau la bedusau, dusaunyau ka diabiska.

YAKUBUS 5:15 ပူးပေါင်းရင်းမြစ်များ

MATIUS 17:20

Diau nimbali ughangtu, “Karnau kamu nidau percayau nian. Ingatkala, amun kamu adau iman sebesak ijat sawi ajau, kamu pacak ngajung gunung ini, ‘Ngaliala jak di sini ke situ.’ Cetau gunung ini ka ngalia. Nidau bediau setu diau nidau pacak kamu buat.

YUHANIS 5:14

La udim itu Yesus betemu ngan jemau tadi di Ghuma Allah ngan bekatau ngan diau, “Mbak kini dighi la ghadu. Jangan dighi mbuat dusau agi, supayau dighi jangan ngalami setu diau lebia pansan.”

YUHANIS 6:39

Inila kendak Allah diau ngajung Aku: Supayau jak di gegalau jemau diau la dienjuakkaNyau ngan Aku sughang kia nidau ka lengit, tapitu ughangtu Kuidupka masau aghi kiamat.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

2 KURINTUS 4:14

Kami keruan, bansau Allah diau la ngidupka Tuhan Yesus ka ngidupka kami pulau ngan Yesus. Diau ka mbata'i kami ngan kamu pulau ke adapanNyau.

YAKUBUS 1:6

Jemau diau mintak mesti percayau, jangan asau-asau. Jemau diau asau-asau luak umbak laut diau diembus angin ke situ ke sini.

YAKUBUS 5:13

Amun adau jak di kamu diau sengsarau, diau mesti bedu'a. Amun adau diau riang, diau mesti benyanyi ngagungka Allah.

YAKUBUS 5:16

Karnau itu kamu mesti sangi aku'i sala ngan sangi du'aka, mangku kamu ghadu. Du'a jemau diau benagh, amun didu'aka ngan yakin adau kuasau diau besak.

YAKUBUS 5:20

ingatkala, jemau diau mbuat jemau bedusau ngelipat jak di jalanau diau sesat, jemautu nyelamatka jemau diau bedusautu jak di kematian, mangku banyak dusau diabiska.