YAKUBUS 5:13 - PEJANJIAN EMPAI CERITAU ILUAK

¹³ Amun adau jak di kamu diau sengsarau, diau mesti bedu'a. Amun adau diau riang, diau mesti benyanyi ngagungka Allah.

YAKUBUS 5:13 ပူးပေါင်းရင်းမြစ်များ

MATIUS 26:30

Udim itu ughangtu benyanyi ngagungka Allah, mangku pegi ke Bukit Saitun.

LUKAS 22:44

Yesus penakut nian, mangku tamba bedu'a nian. Pelua luak dagha titi'an ke tana.

LUKAS 23:42

Mangku diau bekatau ngan Yesus, “Yesus, ingatkala aku, amun Dighi datang njadi Rajau.”

1 KURINTUS 14:15

Mangku tuapau diau mesti kukerjauka? Ini diau kukerjauka: Aku endak bedu'a ngan ruaku, tapitu aku pulau endak bedu'a ngan rupu'anku. Aku endak benyanyi ngan muji ngan ruaku, tapitu aku pulau endak benyanyi ngan muji ngan rupu'anku.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

IPISUS 5:19

Amun ngiciak ngan kantin, kiciakkala katau masmur, pujian ngan nyanyian ruhani. Nyanyila ngagungka Tuhan ngan ati riang.

IBRANI 5:7

Masau Yesus adau di deniauni, Diau bedu'a sampai nangis, mintak ngan Allah diau pacak ngilakkaNyau jak di mati. Mangku Diau didengaghka, karnau Diau nunduak takut ngan Allah.

YAKUBUS 5:10

Ingatkala nabi diau ngiciak dalam namau Tuhan. Ughangtu ngaligh ngan ta'an sengsarau. Penaula ughangtu.

PENGINA'AN 14:3

Ughangtu dang nyanyika nyanyian empai di adapan kerusi rajau ngan empat benatang ngan tuau-tuau. Mangku nidau bediau jemau diau pacak belajagh nyanyiantu lain jak di seratus empat pulua empat ribu jemau diau la ditebus jak di deniautu.

PENGINA'AN 7:10

Ngan suarau nyaghing ughangtu bekatau, “Keselamatan kitau jak di Allah diau duduak di kerusi rajau ngan jak di Anak Bebiritu!”