YAKUBUS 3:17 - PEJANJIAN EMPAI CERITAU ILUAK

¹⁷ Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

YAKUBUS 3:17 ပူးပေါင်းရင်းမြစ်များ

MATIUS 23:28

Luak itula pulau kapu dighi. Jak di luagh kapu dighi kina'an iluak ngan jemau. Anyautu di dalam kapu dighi cak alim ngan ja'at.”

MATIUS 5:8

Riangla jemau diau beresia atiau, karnau diau ka keruan Allah.

MATIUS 5:9

Riangla jemau diau ndamaika jemau, karnau diau ka dikiciakka anak Allah.

LUKAS 21:15

Akunila ka ngenjuakka ngan kamu katau-katau ngan kepintaran, mangku nidau sughang kia jak di musua kamu pacak melawan ngan nyalaka kamu.

LUKAS 6:36

Semestiau kamu iluak ati, luak Bapak kamu iluak atiAu.”

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 1:47

Yesus nginak Natanail datang, mangku ngiciakka diau, katauNyau, “Kina'ila, diautu jemau Israil nian, diau nidau kekela nipu!”

RASUL 11:24

Barnabastu jemau iluak atiau, lagi dikuasaui Rua Allah ngan percayau nian ngan Tuhan, mangku banyak jemau ngikut Tuhan.

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

RUM 12:18

Kamu mesti beusaha idup damai ngan gegalau jemau.

RUM 12:9

Jangan cak nyayangi. Luatka diau ja'at, kerjaukala diau iluak.

RUM 15:14

Kantin-kantinku, aku keruan, bansau kamutu iluak. Kamutu pulau la keruan gegalaunyau, mangku pacak sangi ajaghi.

1 KURINTUS 12:8

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah.

2 KURINTUS 10:1

Aku, Paulus, adau diau endak kukiciakka ngan kamu. Nurut katau jemau akuni nidau beghani, amun buadapan ngan kamu, tapitu beghani, amun jawua. Karnau Keristustu iluak ngan lembut,

2 KURINTUS 6:6

Kami nunjuakka kami ambau Allah, bekerjau ngan jujur, bepengertian, ngaligh ngan iluak. Kami bepaut ngan Rua Allah ngan nyayangi nian.

2 KURINTUS 7:11

Cubau kami ngingatka, tuapau asilau di kamu kemada'an jak di Allah. Asilau kamu beusaha nian endak mberesiaka diri jak di pemburu'an. Kamu keghengaman ngan dusau, takut, ghindu, rajin, mangku endak ngukum jemau diau besala. Ngan gegalaunyautu kamu la mbuktika, bansau kamu nidau besala dalam pekarau itu.

2 KURINTUS 9:10

Allah nyediauka benia ngan tukang tanam ngan makanan batan endak kitau. Diau pulau ka nyediauka banyak benia batan endak kamu nanam, ka dibuat banyak asilau, mangku keilu'an ati kamu ka tamba banyak pulau.

IPISUS 5:9

Jak di terang itu nimbul gegalau kerjau diau iluak ngan adil ngan benagh.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

PILIPI 4:8

Mangku, kantin-kantinku, rupuakkala setu diau begunau ngan pantas dipuji, gegalaunyau diau benagh, diau diregaui, diau adil, diau beresia, diau alap ngan iluak.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

1 TESALUNIKA 2:7

Anyautu ati kami iluak, masau kami guak kamu, luak enduak ngasua ana'au.

1 TIMUTIUS 5:21

Di adapan Allah ngan Yesus Keristus ngan malaikat diau suci aku mintak nian, supayau kaba nuruti petua ini ngan jangan nyalaka jemau, amun lum ngeruani nian. Jangan milia rupau.

2 TIMUTIUS 2:24

Jemau diau bekerjau batan endak Tuhan nidau bulia bebala. Diau mesti iluak ngan gegalau jemau ngan pacak ngajagh jemau ngan ngaligh,

TITUS 1:15

Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.

TITUS 3:2

Kiciakka ngan ughangtu, supayau jangan ngupatka jemau ngan jangan belagau, tapitu supayau maju ngaligh ngan iluak ngan sukau bedamai ngan gegalau jemau.

IBRANI 12:11

Nyela, amun kitau diukum, kitau nidau riang tapitu nangis. Anyautu ngan kitau diau la diajagh, ukumantu mbuat kitau idup nurut kendak Allah, mangku kitau idup ngan damai.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

YAKUBUS 1:17

Gegalau enju'an diau iluak ngan diau sempernau datang jak di sergau, dienjuakka Allah diau njadika gegalau terang di langit. Diautu Allah diau nidau beghuba ngan nidau mbuat keleman, karnau nidau njawuhi kitau.

YAKUBUS 1:5

Amun adau jemau jak di kamu diau kurang bepengertian, jemautu mesti mintak ngan Allah, mangku Allah ka ngenjuakka pengertian ngan diau, karnau ngan bilang jemau Allah ngenjuak ngan riang, nidau ngungkit.

YAKUBUS 2:13

Karnau Allah nidau ka ngancakka sayangAu ngan jemau diau nidau endak nyayangi. Anyautu kuatla sayang sangkan ukuman.

YAKUBUS 2:4

Ngan carau luak itu kamu la mbidaka di antarau kamu ngan ngengirauka jemau ngan rupu'an diau ja'at.

YAKUBUS 3:15

Pengertian luak itu ukan asalau jak di sergau. Diau asalau jak di deniau, jak di serilau manusiau, jak di iblis.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 PITRUS 2:1

Karnau itu capakkala jak di kamu gegalaunyau diau ja'at. Jangan agi mbu'ung, jangan cak iluak, jangan sengit, jangan ngupatka jemau.

1 PITRUS 2:18

Kamu diau njadi budak, tunduakla ngan tuan kamu ngan meregaui diau nian, ukan ajau diau iluak ngan mura bekantin, tapitu pulau diau kejam.

1 YUHANIS 3:18

Anakbuaku, jangan kitau nyayangi cuman di mulut ngan kici'an ajau. Kitau mesti nyayangi nian ngan mbuktikanyau ngan perembak kitau.

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.