YAKUBUS 1:27 - PEJANJIAN EMPAI CERITAU ILUAK

²⁷ Keta'atan agamau diau ngenian nurut Allah Bapak, itu nulung jemau anak umang ngan randau diau sengsarau ngan njagaui diri, mangku jangan dirusakka deniau.

YAKUBUS 1:27 ပူးပေါင်းရင်းမြစ်များ

MATIUS 12:32

Amun jemau ngiciakka setu melawan Anak Manusiau, jemautu pacak diampuni. Anyautu jemau diau ngiciakka setu nggelakka Rua Allah nidau pacak diabisi dusaunyau, empuak di deniau mbak kini empuak nantitu.”

MATIUS 5:8

Riangla jemau diau beresia atiau, karnau diau ka keruan Allah.

LUKAS 1:6

Ughang duautu melemakka ati Allah, ta'at nian ngan gegalau perinta ngan ukum Tuhan.

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

RUM 2:13

Jemau nidau dibenaghka, amun keruan ukum Taurat. Jemau dibenaghka, amun ngerjauka setu diau diajung ukum Taurattu.

GALATIA 1:4

Keristus na'ati kendak Allah Bapak kitau, mangku Diau nyeraka nyawauNyau batan endak dusau-dusau kitau, supayau kitau diselamatka jak di deniau diau ja'at ini.

GALATIA 3:11

Nidau sughang kia ka dibenaghka Allah karnau na'ati ukum Taurat. Titu la dinyatauka dalam Injil, “Jemau diau la dibenaghka karnau percayau ka idup nian.”

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

GALATIA 6:14

Anyautu akuni dikit kiala nidau endak mbanggaka diriku, lain jak di Tuhan kitau Yesus Keristus diau mati di kayu salip. Karnau Diau la mati di kayu salip, mangku deniau nidau bereti agi ngan aku, ngan deniauni aku meghasau mbak asau la mati.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

1 TIMUTIUS 1:5

Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

1 TIMUTIUS 5:4

Anyautu amun sughang randau adau anak ngan cucung, ughangtula diau mesti belajagh, bansau ughangtu wajib nulung denga-sana'au ngan mbalas keilu'an pejadi ngan nini'au. Itula diau melemakka ati Allah.

TITUS 2:12

Keilu'antu ngajagh kitau, supayau kitau nidau agi idup belawanan ngan Allah ngan nidau agi nuruti serilau deniau. Kitau diajagh, supayau kitau idup di deniau ini na'an diri, jujur ngan takut ngan Allah.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

YAKUBUS 3:9

Ngan lidatu kitau muji Tuhan, Bapak kitau. Ngan lida kitau pulau ndawaika jemau diau dijadika nurut rupau Allah.

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.

2 PITRUS 1:4

Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

1 YUHANIS 5:18

Kitau keruan, bansau gegalau jemau diau la njadi anak Allah nidau agi bebuat dusau, karnau Anak Allah njagauinyau, mangku Iblis nidau pacak mbuat tuapau-apau ngan diau.