TITUS 3:7 - PEJANJIAN EMPAI CERITAU ILUAK

⁷ Mangku kitau diau la dibenaghka karnau keilu'anNyautu bulia idup selelamaunyau diau kitau aghapkatu.

TITUS 3:7 ပူးပေါင်းရင်းမြစ်များ

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MARKUS 10:17

Yesus endak bejalan agi, mangku adau jemau diau belaghi njenguak Diau. Jemautu nunduak di adapanNyau, mangku betanyau ngan Diau, “Pak Guru diau iluak, tuapau diau mesti kukerjauka, mangku aku bulia idup selelamaunyau?”

RUM 11:6

Diau milia ughangtu karnau keilu'anNyau, ukan karnau kerjau ughangtu. Amun Allah milia jemau nurut kerjaunyau, mangku keilu'an itu ukan keilu'an nian.

RUM 3:24

Karnau keilu'an Allah ughangtu dibenaghka Allah. Nidau bediau bayighan, dienjuakka ajau, karnau Yesus Keristus la nebusau.

RUM 3:28

Kami keruan, bansau jemau dibenaghka karnau percayau ngan Keristus ukan karnau ta'at ngan ukum Taurat.

RUM 4:16

Allah bejanji karnau jemau percayau ngan Diau. Janjitu dienjuakka ajau, mangku janjitu dienjuakka ngan gegalau pengadau Abraham, ukan ajau ngan jemau diau nuruti ukum Taurat, tapitu pulau ngan jemau diau percayau luak Abraham, karnau Abraham bak kitau galau.

RUM 4:4

Amun jemau bekerjau, diau nerimau upa. Upahautu nidau dianggap enju'an ajau, karnau upatu ha'au.

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 3:29

Mangku amun kamu hak Keristus, kamu pulau pengadau Abraham, mangku kamu behak nerimau setu diau dijanjika Allahtu.

GALATIA 4:7

Mangku kamu ukan agi budak, tapitu anak. Mangku amun kamu anak Allah, kamu pulau behak nerimau gegalaunyau diau disediauka Allah batan endak anak-ana'Au.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

TITUS 2:11

Keilu'an Allah diau nyelamatka gegalau manusiau la dinyatauka.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 1:14

Amun luak itu, malaikattu sapau sebenaghau? Ughangtu rua diau bekerjau batan endak Allah, diajungAu nulung jemau diau ka diselamatka.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

IBRANI 11:9

Karnau percayau, diau njadi jemau asing di nenggeri diau dijanjika Allahtu. Badahau di kima. Luak itu pulau Isak ngan Yakub diau ngikut nerimau janjitu pulau.

IBRANI 6:17

Allah endak negaska ngan jemau diau nerimau janjiAutu, bansau Diau nidau ka ngubai rencanauNyau. Itula sebapau Diau nambai sumpaHau ngan janjiAutu.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

1 PITRUS 3:7

Mangku kamu pulau diau njadi laki, kamu semestiau idup ngan bini kamu ngan jagau, bansau diautu jemau nidau kuat. Regauila diau, karnau diau pulau luak kamu ka dienjuakka Allah idup selelamaunyau. Kerjaukala itu, mangku nidau bediau diau ngalangi du'a kamu.