TITUS 3:2 - PEJANJIAN EMPAI CERITAU ILUAK

² Kiciakka ngan ughangtu, supayau jangan ngupatka jemau ngan jangan belagau, tapitu supayau maju ngaligh ngan iluak ngan sukau bedamai ngan gegalau jemau.

TITUS 3:2 ပူးပေါင်းရင်းမြစ်များ

MATIUS 11:29

Tanggungkala selungku diau Kukenauka ngan kamu, mangku belajaghla jak di Aku, karnau Aku ngaligh ngan nidau geduak, mangku kamu ka njadi tenang.

RASUL 23:5

Paulus nimbal, “Aku nidau keruan, bansau diautu Imam Besak. Nyela, adau ditulis di Injil, ‘Jangan ja'at ngan pengulu bangsau kamu.’ ”

1 KURINTUS 6:10

jemau pemaling, pengeghit ngan selak, tukang mabuak, galak ngarutka jemau ngan penipu, gegalau jemau luak itu nidau bulia hak njadi umat Allah.

1 KURINTUS 9:19

Aku ukan budak jemau, aku bibas. Empuak luak itu, aku njadika diriku budak gegalau jemau, supayau aku pacak banyak menangka jemau batan endak Keristus.

2 KURINTUS 10:1

Aku, Paulus, adau diau endak kukiciakka ngan kamu. Nurut katau jemau akuni nidau beghani, amun buadapan ngan kamu, tapitu beghani, amun jawua. Karnau Keristustu iluak ngan lembut,

2 KURINTUS 12:20

Aku ghegak, amun aku datang nanti, aku ka nemuni kamu nidau luak diau kuaghapka, mangku kamu pulau ka nemuni aku nidau luak diau kamu aghapka. Aku ghegak, kalu adau diau belagau, sengit, ati besak, mentingka diriau, sangi gelakka, sangi buruakka, geduak, becelikaian.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 6:1

Kantin-kantinku, amun adau sughang kedapatan mbuat dusau, kamu diau idup na'ati Rua Allah mesti mbimbing jemautu ke jalan diau benagh. Anyautu kamu mesti ngerjauka titu ngan ngaligh sampai njagau diri kamu, supayau jangan bedusau pulau.

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

IPISUS 4:2

Kamu mesti maju ngensian, iluak, ngaligh, sangi sayangi ngan sangi terimau.

IPISUS 4:31

Lengitkala gegalau peghasauan purik, mara ngan dendam. Jangan tegauk-gauk ngan nggelakka. Jangan agi adau peghasauan luat ngan peghasauan diau ja'at lainau.

PILIPI 4:5

Keilu'an kamu mesti dikeruani gegalau jemau. Tuhan la damping.

1 TESALUNIKA 2:7

Anyautu ati kami iluak, masau kami guak kamu, luak enduak ngasua ana'au.

1 TIMUTIUS 3:11

Biniau pulau mesti jemau iluak. Jangan diau galak ngupatka jemau. Diau mesti nguasaui diriau ngan pacak dipercayaui ngan gegalaunyau.

1 TIMUTIUS 3:3

Jangan diau tukang mabu'an, jangan galak belagau, anyautu diau mesti ngaligh ngan galak bedamai. Jangan jemau diau tetancian.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

YAKUBUS 4:11

Kantin-kantinku, jangan kamu sangi buruakka ngan sangi salaka. Jemau diau mburuakka ngan nyalaka kantinau, diau mburuakka ngan nyalaka ukum Allah. Amun kamu nyalaka ukum Allah, kamu nidau na'ati ukumtu, tapitu kamu njadi akimau.

1 PITRUS 2:1

Karnau itu capakkala jak di kamu gegalaunyau diau ja'at. Jangan agi mbu'ung, jangan cak iluak, jangan sengit, jangan ngupatka jemau.

1 PITRUS 3:10

Karnau di Injil ditulis luak ini, “Jemau diau endak meghasauka idup diau lemak ngan meghasauka masau diau iluak, jemautu jangan ngiciak setu diau ja'at ngan jangan ngiciak setu diau mbu'ung.

1 PITRUS 3:8

Mangku kamu mesti suijauan ngan semegi peghasauan. Sangi sayangila kamu luak jemau duau beghading, mangku sangi sialka kamu ngan jangan sangi gedu'i.

1 PITRUS 4:4

Mbak kini jemau diau nidau keruan Allah kemangan ngan kamu, karnau kamu nidau agi ngikut carau ughangtu idup luak anjing, mangku kamu digelakka.

2 PITRUS 2:10

terutamau jemau diau nuruti serilaunyau diau nidau senangaian ngan nggelakka kuasau Allah. Ughangtu geduak ngan beghani nian mangku nidau takut nggelakka malaikat diau agung di sergau.

YUDAS 1:10

Anyautu ughangtu nggelakka gegalaunyau diau nidau ughangtu keruani. Ughangtu semegi ngan benatang diau nidau berupu'an diau ngikut serilaunyau ajau. Ikak itula ughangtu benasau.

YUDAS 1:8

Luak itu pulau ughangtu ngayal sampai merusak badanau sendighi. Ughangtu nganggap Allah nidau bekuasau ngan nggelakka malaikat diau agung di sergau.