TITUS 3:1 - PEJANJIAN EMPAI CERITAU ILUAK

¹ Ingatkala jemau Keristen, supayau tunduak ngan pemerinta ngan jemau diau bekuasau. Ughangtu mesti ta'at ngan sukau ngerjauka gegalaunyau diau iluak.

TITUS 3:1 ပူးပေါင်းရင်းမြစ်များ

MATIUS 22:21

Ughangtu nimbal, “Gambaran ngan namau Kaisar.” “Amun luak itu,” katau Yesus, “Enjuakkala ngan Kaisar setu diau pantas endak Kaisar. Mangku enjuakkala ngan Allah setu diau pantas batan endak Allah!”

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

1 TIMUTIUS 2:2

Du'akala rajau ngan gegalau jemau diau adau kuasau, mangku kitau pacak idup tenang ngan tenteram endak meregaui Allah ngan kerjau diau pantas.

1 TIMUTIUS 4:6

Amun kaba ngajaghka gegalaunyautu ngan kantin-kantin kitau diau percayau, kaba ka njadi budak Yesus Keristus diau bekerjau ngan iluak. Kaba mesti maju neguaka ati kaba ngan katau Allah diau kitau percayaui ngan ajaghan diau benagh diau kaba turuti selamau ini.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

2 TIMUTIUS 1:6

Itula sebapau aku ngingatka, supayau kaba maju nggunauka kuasau diau dienjuakka Allah ngan kaba, masau aku nepiakka tanganku di pucuak palak kaba ndu'aka kaba.

2 TIMUTIUS 2:14

Ingatkala gegalaunyautu ngan jemau. Ajungla ughangtu di adapan Allah, supayau jangan bebala, karnau nidau bediau gunaunyau, cuman ngacauka jemau diau ndengaghau.

2 TIMUTIUS 2:21

Jemau diau mberesiaka diriau jak di kerjau diau ja'at njadi luak dandanan diau alap. Diau ka pantas digunauka tuanau batan endak gegalau kerjau diau penting.

TITUS 1:16

Ughangtu bekatau, bansau ughangtu keruan Allah, awuak perembak ughangtu nidau ngaku'i Allah. Ati ughangtu ja'at ngan melawan ngan nidau pacak ngerjauka setu diau iluak.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

TITUS 3:14

Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

2 PITRUS 1:12

Karnau itu aku maju ngingatka gegalaunyautu ngan kamu, empuak kamu la ngeruaninyau ngan percayau nian ngan ceritau jak di Allah diau la kamu terimautu.

YUDAS 1:5

Kamu la keruan gegalaunyautu ngan nidau asau-asau. Anyautu aku endak ngingatka kamu, bansau nyela Tuhan diau nyelamatka umatAu Israil jak di nenggeri Mesir. Udim itu Diau mbenasauka jemau diau nidau percayau.