RUM 9:22 - PEJANJIAN EMPAI CERITAU ILUAK

²² Luak itu pulau Allah endak nunjuakka maraHau ngan nyatauka kuasauNyau. Anyautu Diau ngaligh nian ngan jemau diau mesti diukum ikak mbuat Diau mara.

RUM 9:22 ပူးပေါင်းရင်းမြစ်များ

RUM 1:18

Jak di sergau Allah nyatauka maraHau karnau dusau ngan keja'atan manusiau. Keja'atantu ngalangi manusiau ngeruani ajaghan diau benagh ceritau Allah.

RUM 9:17

Dalam Injil Allah bekatau ngan Piraun, rajau Mesirtu, “Aku njadika kaba rajau, karnau Aku endak ngancakka kuasauKu di kaba, mangku namauKu dikeruani di gegalau deniau.”

RUM 9:20

Sapau kamu, ui jemau, mangku endak nimbali Allah? Apu pacak setu diau dibuat ngiciak ngan diau mbuatau, “Ngapau aku dibuat luak ini?”

RUM 9:21

Apu ukan tukang peghiyuak behak ngerjauka tana liat sekenda'au? Tukangtu behak ngerjauka setu duau mecam pakai sebungka diau semegi, semecam batan endak kerjau diau iluak, semecam batan endak kerjau diau biasau.

1 TESALUNIKA 2:16

Lagi ughangtu endak ngalang-ngalangi kami ngiciakka ngan jemau ukan Yahudi ceritau diau pacak nyelamatka ughangtu. Ngan carau luak itu jemau Yahuditu maju namba dusaunyau enggut genap mecamau. Mangku mbak kini ughangtu ditimpau mara Allah.

1 TESALUNIKA 5:9

Karnau Allah milia kitau ukan batan endak ditimpau mara, tapitu batan endak diselamatka karnau Tuhan kitau Yesus Keristus.

2 TIMUTIUS 2:20

Di ghuma diau besak adau bemecam-mecam dandanan. Adau diau dibuat jak di emas ngan pirak, adau pulau diau dibuat jak di kayu ngan tana. Diau ini digunauka batan endak kerjau idang aghi. Diau tadi digunauka batan endak tujuan diau penting.

1 PITRUS 2:8

Ngan pulau, “Itula batu diau mbuat jemau tuantuak, batu diau mbuat jemau telabua.” Ughangtu tuantuak, karnau nidau ta'at ngan kici'an Allah. Luak itula ditetapka Allah batan endak ughangtu.

1 PITRUS 3:20

diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

2 PITRUS 2:3

Ughangtu selak, mangku ughangtu ndalak untung jak di kamu ngan ngiciakka ceritau mbu'ung. Anyautu ukuman ughangtu la lamau ditetapka. Ughangtu ka cepat diukum mangku benasau.

2 PITRUS 2:9

Tuhan pacak nyelamatka jemau diau benagh, amun adau pencubauan. Diau pacak pulau na'an jemau diau ja'at endak disiksau di aghi pengadilan nanti,

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.