RUM 8:9 - PEJANJIAN EMPAI CERITAU ILUAK

⁹ Anyautu kamu nidau idup nurut serilau manusiau. Kamuni idup nurut Rua Allah, amun ngenian Ruatu adau dalam kamu. Jemau diau nidau bediau Rua Allah ukan hak Keristus.

RUM 8:9 ပူးပေါင်းရင်းမြစ်များ

LUKAS 11:13

Kinak luak itu, amun kamu jemau diau ja'at pacak ngenjuakka setu diau iluak ngan anak kamu, apau lagi Bapak kamu diau di sergau! Diau ka ngenjuakka Rua Allah ngan jemau diau mintak ngan Diau.”

YUHANIS 14:17

Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

YUHANIS 14:23

Katau Yesus, “Amun jemau nyayangi Aku, diau ka nuruti kici'anKu. BapakKu ka nyayangi diau, mangku Kami ka njenguak diau ngan mendam ngan diau.

YUHANIS 3:34

Jemau diau diajung Allah, Diautu ngiciakka kici'an Allah, karnau Rua Allah dienjuakkaNyau galau ngan Diau.

YUHANIS 3:6

Badan kitau dilahirka pejadi, mangku rua kitau diidupka Rua Allah.

RASUL 16:7

La sampai di Misia ughangtu ncubau masuak ke daira Bitinia, anyautu Rua Yesus nidau ngajung ughangtu ke situ.

RUM 7:5

Senitu kitau idup nurut carau manusiau. Masau itu serilau bedusau nguasaui kitau. Serilautu nimbul karnau ukum Taurat, mangku kitau ngerjauka setu diau nyebapka kitau mati.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

RUM 8:2

karnau Rua Allah diau nguasaui kitau ngan ngenjuakka idup la melepaska kitau jak di kuasau dusau ngan maut.

1 KURINTUS 15:23

Anyautu bilang jemau ka diidupka nurut gilirannyau: Dulu sekali Keristus, nanti masau Diau datang agi, giliran jemau diau njadi hak Keristus.

1 KURINTUS 3:16

Keruan ngan kamu, bansau kamu ghuma Allah? Mangku kamu bada Rua Allah.

1 KURINTUS 6:17

Anyautu amun jemau nyeghundakka diriau ngan Tuhan, ruahautu ngan Rua Tuhan njadi sutiak.

1 KURINTUS 6:19

Cengki kamu la keruan, bansau badan kamu umpamau ghuma Allah, bada Rua Allah diau dienjuakka Allah ngan kamu, mangku kamutu ukan hak kamu. Kamutu hak Allah.

2 KURINTUS 10:7

Kamu cuman nginak setu diau kina'an jak di luagh ajau. Amun adau sughang diau yakin, bansau diau hak Keristus, diau mesti berupuak agi, mangku nyadari, bansau kamini pulau hak Keristus semegi ngan diautu.

2 KURINTUS 6:16

Tuapau ubungannyau Ghuma Allah ngan keramat? Kitau ini Ghuma Allah diau idup. Allahtu bekatau, “Aku ka mendam di guak ughangtu, Aku endak idup seghundak ngan ughangtu. Aku ka njadi Allah ughangtu, mangku ughangtu ka njadi umatKu.”

GALATIA 4:6

Karnau kamu anak Allah, mangku Diau ngajung Rua Ana'Au nguasaui ati kitau diau ngiciakka, “Bak, bakku!”

GALATIA 5:24

Jemau diau la njadi hak Yesus Keristus, jemautu nidau agi nuruti kendak manusiau ngan gegalau serilaunyau.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

IPISUS 2:22

Karnau kamu seghundak ngan Keristus, kamu ngikut disusun ngan jemau lain njadi Ghuma Allah bada RuaHau.

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

PILIPI 1:19

Aku keruan, aku ka selamat karnau du'a kamu ngan pulau karnau ditulung Rua Yesus Keristus.

2 TIMUTIUS 1:14

Ngan kuasau Rua Allah diau adau di kitau kaba mesti njagaui iluak-iluak setu diau iluak diau la dipercayauka ngan kaba.

1 PITRUS 1:11

Ughangtu endak ngeruani, kebilau ngan luak manau titu ka tejadi diau dikiciakka Rua Keristus diau adau dalam ughangtu. Rua itu la ngiciakka sebelumau gegalau penanggungan diau mesti dighasauka Keristus ngan keagunganNyau diau ka dienjuakka ngan Diau udim itu.

1 YUHANIS 3:24

Jemau diau ta'at ngan perinta Allah, jemautu idup seghundak ngan Allah, Allah seghundak ngan diau. Mangku kitau keruan, bansau Allah maju seghundak ngan kitau, karnau Diau la ngenjuakka RuaHau ngan kitau.

1 YUHANIS 4:13

Allah la ngenjuakka ngan kitau RuaHau, mangku kitau keruan, bansau kitau idup seghundak ngan Allah, Allah seghundak ngan kitau.

1 YUHANIS 4:4

Ui anak-buaku, kamuni asal jak di Allah, mangku kamu la ngalaka nabi tiruantu, karnau bekuasaula rua diau adau di kamu sangkan rua diau adau di deniauni.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 20:15

Mangku bilang jemau diau nidau ditulis namaunyau dalam kitab jemau iduptu dicapakka ke dalam laut apitu.