RUM 8:37 - PEJANJIAN EMPAI CERITAU ILUAK

³⁷ Dalam gegalaunyautu kitau pacak menang nian, karnau Diau nyayangi kitau.

RUM 8:37 ပူးပေါင်းရင်းမြစ်များ

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RUM 8:35

Tuapau pacak ngalangi Keristus nyayangi kitau? Apu Diau dialangi, amun kitau bingung ngan nanggung, amun kitau diluatka, amun kelapaghan ngan serik, amun adau bayau, lagi mati?

1 KURINTUS 15:54

Mangku amun badan diau ka mati la digenti ngan badan diau nidau ka mati, badan jak di deniauni digenti ngan badan jak di sergau, mangku la ditepati setu diau ditulis dalam Injil, “Kematian la dilengitka, kemenangan la dapat.”

1 KURINTUS 15:57

Empuak luak itu, terimau-kasia ngan Allah. Diau la ngenjuakka kemenangan ngan kitau karnau Yesus Keristus, Tuhan kitau.

2 KURINTUS 12:19

Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

2 KURINTUS 12:9

Tuhan nimbal, “Aku nyayangi kaba, jadila batan endak kaba. Amun kaba litak, mangku kuasauku ka nyatau nian.” Karnau itu aku riang nian muji kelita'anku, mangku Keristus njagaui aku ngan kuasauNyau.

2 KURINTUS 2:14

Aku beterimau-kasia ngan Allah! Diau maju mbatak kami di jalan menang serempak ngan Keristus. Diau makai kami, supayau ceritau Keristus tesebar ke manau-manau luak embau ghum.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

1 YUHANIS 4:19

Kitau nyayangi jemau, karnau Allah la dulu nyayangi kitau.

1 YUHANIS 4:4

Ui anak-buaku, kamuni asal jak di Allah, mangku kamu la ngalaka nabi tiruantu, karnau bekuasaula rua diau adau di kamu sangkan rua diau adau di deniauni.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,

PENGINA'AN 12:11

Ughangtu la ngalaka diau ngan dagha Anak Bebiritu, dikalaka ngan ceritau iluak jak di Allah diau dikiciakka ughangtu. Ughangtu rila nyeraka nyawaunyau enggut mati.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 21:7

Jemau diau menang ka bulia gegalaunyautu. Aku ka njadi Allahau, diautu ka njadi anakKu.

PENGINA'AN 3:9

Kina'ila, jemau diau njadi anak iblis, pembu'ung diau ngakuak diriau jemau Yahudi awuak ukan. Ughangtu ka diseraka ngan kaba. Aku ka mbuat ughangtu njenguak kaba ngan nunduak di adapan kaba. Mangku ughangtu ngakuak, bansau Aku nyayangi kaba.