RUM 8:30 - PEJANJIAN EMPAI CERITAU ILUAK

³⁰ Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

RUM 8:30 ပူးပေါင်းရင်းမြစ်များ

YUHANIS 17:22

Akuni la ngagungka ughangtu ngan carau luak Dighi la ngagungka Aku, mangku ughangtu njadi seghundak, luak Kitau pulau la seghundak.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

RUM 1:6

Kamu pulau temasuak jemau itu diau la dipilia Keristus njadi umatAu.

RUM 11:29

Karnau Allah nidau kekela nyesali keilu'an ngan pilianNyau.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

RUM 8:21

Empuak luak itu adau aghapan, bansau adau masau gegalaunyau diau dijadika Allah ka dilepaska jak di kuasau diau mbenasauka, mangku ka dilepaska ngan diagungka serempak ngan anak-anak Allah.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

1 KURINTUS 1:2

batan endak jemau Keristen di Kurintus, jemau diau la dipilia Allah njadi umatAu ngan melemakka atiAu karnau Keristus Yesus, ngan gegalau jemau di manau ajau diau nyemba Tuhan kitau Yesus Keristus, Tuhan ughangtu ngan Tuhan kitau pulau.

1 KURINTUS 1:9

Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

1 KURINTUS 2:7

Pengertian diau kukiciakkatu pengertian jak di Allah. Pengertiantu nidau dikeruani deniau. Allah la nyediaukanyau batan endak keriangan kitau, antak ka deniau dijadikaNyau.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

GALATIA 1:15

Anyautu karnau keilu'an atiAu Allah milia aku, antak ka aku adau mangku ngajung aku bekerjau batan endak Diau.

GALATIA 1:6

Aku kemangan ngan kamu. Kamu dipilia Allah, karnau Keristus sayang ngan kamu. Anyautu mbak kini kamu cepat nian nyimpang jak di Diau mangku ngikut ceritau iluak diau lain.

GALATIA 5:8

Cetau ukan Allah! Allahtu la ngajung kamu njenguak Diau.

IPISUS 1:11

Allah ngerjauka gegalaunyautu nurut kenda'Au diau ditetapka jak di senitu. Jak di penembai Diau la milia kitau njadi umatAu, karnau seghundak ngan Keristus.

IPISUS 1:5

mangku Diau la netapka jak di senitu, supayau kitau dijadika ana'Au karnau Yesus Keristus, nyela titu kenda'Au.

IPISUS 2:6

Mangku kitau seghundak ngan Yesus Keristus. Karnau itu Allah ngidupka kitau agi, mangku Diau ngenjuakka ngan kitau bada di sergau endak merinta ngan Diau.

IPISUS 3:11

RencanauNyau la adau jak di penembai, mangku diajungAu Yesus Keristus, Tuhan kitau, ngerjaukanyau.

IPISUS 4:4

Cuman adau sutiak badan ngan sutiak Rua. Luak itu pulau kamu dipilia batan endak ngaghapka setu diau semegi.

KULUSI 3:4

Idup diau ngenianau itu idup seghundak ngan Keristus. Mangku amun Keristus datang nanti, kamu ka adau ngan Diau dalam keagunganNyau.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

2 TIMUTIUS 2:11

Kici'an ini benagh nian, “Amun kitau mati ngan Diau, kitau ka idup pulau ngan Diau.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 19:9

Mangku malaikat bekatau ngan aku, “Tuliskala, ‘Riangla jemau diau dijeghumi ke jamuan nika Anak Bebiritu.’ ” Kataunyau agi, “Katau itu katau benagh, katau jak di Allah.”