RUM 8:23 - PEJANJIAN EMPAI CERITAU ILUAK

²³ Ukan itu ajau, kitau pulau nyempit dalam ati. Kitau la nerimau Rua diau dienjuakka Allah njadi pengenjuak diau dulu sekali. Kitau masia nunggu Allah mbibaska kitau njadika kitau ana'Au.

RUM 8:23 ပူးပေါင်းရင်းမြစ်များ

LUKAS 20:36

Ughangtu luak malaikat, nidau ka mati agi. Ughangtu anak Allah, karnau la diidupkaNyau agi.

LUKAS 21:28

Amun gegalaunyautu mulai tejadi, bangunla ngan katangka palak kamu, karnau jerang agi kamu ka diselamatka.”

RUM 5:11

Ukan itu ajau. Kitau riang pulau karnau keilu'an Allah itu, mangku kitau la seilu'an ngan Diau karnau Tuhan kitau Yesus Keristus.

RUM 5:3

Lebia agi kitau riang karnau sengsarau, karnau kitau keruan sengsarautu mbuat kitau tekun.

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

RUM 7:24

Celakau aku! Sapau diau ka ngilakka aku jak di badan ini diau mbuat aku mati?

RUM 8:19

Gegalau setu diau dijadika nunggu nian masau Allah ngancakka anak-ana'Au.

1 KURINTUS 1:7

Mangku kamu nidau kurang tuapau-apau pengenjuak Rua Allah, penarau kamu nunggu Tuhan kitau Yesus Keristus datang agi.

2 KURINTUS 1:22

Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

2 KURINTUS 7:5

Masau kami sampai di Makedunia, kami nidau pulau tenang. Kami maju adau penanggungan, jak di jemau lain bantahan, jak di ati kami ketakutan.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 4:30

Jangan madakka Rua Allah. Kamu la ditandaui ngan Ruatu njadi hak Allah. Ruatu njadi jaminan batan endak kitau, bansau aghi kitau diselamatka ka sampai.

IPISUS 5:9

Jak di terang itu nimbul gegalau kerjau diau iluak ngan adil ngan benagh.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.