RUM 8:11 - PEJANJIAN EMPAI CERITAU ILUAK

¹¹ Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

RUM 8:11 ပူးပေါင်းရင်းမြစ်များ

YUHANIS 14:17

Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

YUHANIS 5:21

Karnau luak Bapak ngidupka jemau mati, mangku dienjuakkaNyau idup empai, luak itula pulau Anak ngenjuakka idup ngan jemau diau endak Anak enjuakka idup.

RASUL 2:24

Anyautu Allah ngidupka Diau jak di mati, dilepaskaNyau jak di sengsarau maut, karnau nidau ka adau Diau maju dalam kuasau mauttu.

RUM 16:10

Pesanku ngan Apelis diau la diuji karnau Keristus. Pesan pulau ngan kapu Aristubulus.

RUM 16:3

Sampaika pesanku ngan Periska ngan Akwila, kantin sekerjauku batan endak Keristus.

RUM 16:7

Sampaikala pulau pesanku ngan Anderunikus ngan Yunias. Ughang duautu sebangsau ngan aku ngan pulau tejil serempak ngan aku. Ughang duautu la percayau antak ka aku percayau ngan tekenal jak di rasul.

RUM 16:9

Pesanku ngan Urbanus, kantin sekerjau kitau batan endak Keristus ngan pulau Setakis diau kusayangi.

RUM 6:12

Karnau itu jangan agi endak idup kamu di deniauni dikuasaui dusau, supayau jangan agi nuruti serilau diau ja'at.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

RUM 8:12

Mangku, kantin-kantinku, kitau adau utang. Kitau ukan beghutang ngan manusiau endak idup nurut serilau manusiau.

RUM 8:2

karnau Rua Allah diau nguasaui kitau ngan ngenjuakka idup la melepaska kitau jak di kuasau dusau ngan maut.

RUM 8:9

Anyautu kamu nidau idup nurut serilau manusiau. Kamuni idup nurut Rua Allah, amun ngenian Ruatu adau dalam kamu. Jemau diau nidau bediau Rua Allah ukan hak Keristus.

1 KURINTUS 15:16

Amun ngenian jemau mati nidau diidupka agi, Keristus pulau nidau diidupka agi.

1 KURINTUS 6:14

Allah la ngidupka Tuhan Yesus jak di mati. Luak itu pulau kitau ka diidupka ngan kuasau Allah.

2 KURINTUS 4:11

Empungan gi idup, kami maju dalam bayau maut karnau Yesus, mangku idup Yesus pulau dinyatauka di badan kami diau pacak mati.

2 KURINTUS 4:14

Kami keruan, bansau Allah diau la ngidupka Tuhan Yesus ka ngidupka kami pulau ngan Yesus. Diau ka mbata'i kami ngan kamu pulau ke adapanNyau.

2 KURINTUS 5:4

Semasau gi adau di anjung di deniauni, kitau nyempit karnau tanggungan diau beghat ini. Kitau endak mendam di ghuma di sergau ukan karnau endak bibas jak di badan kitau di deniauni, tapitu karnau kitau endak ngenauka badan diau jak di sergautu, mangku badan kitau diau pacak mati ini digenti ngan diau idup.

GALATIA 6:8

Amun jemau beperembak nurut serilaunyau, asilau kematian. Amun jemau beperembak nurut bimbingan Rua Allah, asilau idup selelamaunyau jak di Rua itu.

IPISUS 2:5

mangku masau kitau gi luak mati karnau dusau kitau, kitau diidupka ngan Keristus. Kamu diselamatka cuman karnau keilu'an ati Allah.

PILIPI 3:21

Badan kitauni diau litak ngan pacak mati ka diuba Keristus njadi luak badanAu diau agungtu. Diau ka ngerjauka titu, karnau Diau adau kuasau endak nunduakka gegalaunyau.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.

PENGINA'AN 11:11

La tenga empat aghi mangku adau agi nyawaunyau jak di Allah masu'i ughang duautu, mangku ughangtu ngulang idup agi. Gegalau jemau diau ngina'au takut galau.