RUM 8:10 - PEJANJIAN EMPAI CERITAU ILUAK

¹⁰ Amun Keristus adau dalam kamu, mangku Rua Allah ngenjuakka idup ngan kamu karnau la dibenaghka, empuak badan kamu ka mati karnau dusau.

RUM 8:10 ပူးပေါင်းရင်းမြစ်များ

YUHANIS 14:23

Katau Yesus, “Amun jemau nyayangi Aku, diau ka nuruti kici'anKu. BapakKu ka nyayangi diau, mangku Kami ka njenguak diau ngan mendam ngan diau.

YUHANIS 15:5

Akunila batang anggur, kamunila cangka-cangkahau. Jemau diau mendam di Aku ngan Aku di diau, jemautu ka banyak buahau. Amun Aku nidau nulung, kamu nidau pacak mbuat tuapau-apau.

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

YUHANIS 6:54

Jemau diau makan dagingKu ngan minum daghaKu diautula bulia idup empai selelamaunyau, mangku Aku ka ngidupkanyau masau aghi kiamat.

YUHANIS 6:56

Jemau diau makan dagingKu ngan minum daghaKu, diautu seghundak ngan Aku, Aku ngan diau.

RUM 5:12

Dusau masuak ke deniau karnau sughang jemau, mangku jemau mati ikak dusau. Mangku kematian nguasaui gegalau jemau ikak bedusau galau.

RUM 5:21

Na, jemau mati karnau bedusau. Anyautu Allah nunjuakka jalan ngan kitau, mangku kitau seilu'an ngan Diau, karnau Diau nyayangi kitau. Mangku kitau la seilu'an ngan Allah. Diau ngenjuakka idup selelamaunyau ngan kitau karnau Tuhan kitau Yesus Keristus.

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

1 KURINTUS 15:45

Dalam Injil ditulis luak ini, “Mangku manusiau diau dulu sekali, diautu Adam, dijadika, mangku diau idup.” Mangku Adam diau mendiantu rua diau ngenjuakka idup.

2 KURINTUS 13:5

Cubau uji diri kamu, apu kamu ngenian idup percayau ngan Keristus. Cengki kamu ka ngeruani, bansau Yesus Keristus adau di ati kamu, lain amun kamu nidau percayau nian.

2 KURINTUS 4:11

Empungan gi idup, kami maju dalam bayau maut karnau Yesus, mangku idup Yesus pulau dinyatauka di badan kami diau pacak mati.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

PILIPI 1:23

Aku didesak setu duau mecam: Aku endak nian ninggalka deniauni pegi seghundak ngan Keristus, karnau titu diau iluak sekali batan endak aku.

PILIPI 3:9

ngan seghundak ngan Diau. Aku nidau agi dibenaghka karnau kerjaukunila ngan ta'at ngan ukum Taurat. Mbak kini aku dibenaghka karnau percayau ngan Keristus. Allahtu diau mbenaghka jemau karnau percayau ngan Keristus.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

1 TESALUNIKA 4:16

Allah ka merintaka, mangku ka kedengaghan suarau pengulu malaikat ngan muni terumpit Allah, mangku Tuhan ka tughun jak di sergau ngan jemau diau la mati dalam Keristus ka dulu diidupka.

IBRANI 12:23

Kamu ngikut tunggalan diau riang nian, tunggalan anak-anak tuau diau namaunyau la ditulis di sergau. Kamu betunggal ngan jemau senitu diau la disempernauka. Kamu ngadap Allah, akim gegalau manusiau.

IBRANI 9:27

La ditetapka, bansau manusiau mati cuman sekali ajau, udim itu diadili.

PENGINA'AN 14:13

Mangku aku ndengagh suarau jak di sergau ngiciak, “Tuliskala! Mulai mbak kini riangla jemau mati diau mati la percayau ngan Tuhan.” “Nyela!” Katau Rua Allah, “Mangku ughangtu pacak gheghadu jak di kerjaunyau diau ngeriakatu, karnau asil kerjau ughangtu ka maju ngikut ughangtu.”