RUM 7:4 - PEJANJIAN EMPAI CERITAU ILUAK

⁴ Luak itu pulau ngan kamu. Kamu la mati tuadap ukum Taurat, karnau kamu la seghundak ngan badan Keristus. Mangku kamu la njadi hak Keristus diau la diidupka agi jak di mati, supayau kitau begunau batan endak Allah.

RUM 7:4 ပူးပေါင်းရင်းမြစ်များ

MATIUS 26:26

Ughangtu dang makan, mangku Yesus ngambiak ruti, bedu'a beterimau-kasia, dipiyak-piya'Au mangku dienjuakkaNyau ngan anak-buaHau sampai bekatau, “Ambiakla, makanla. Inila badanKu.”

MARKUS 4:20

Mangku benia diau tumban di tana iluak tadi umpamau jemau diau ndengaghka ceritau Allah ngan nerimaunyau, mangku bebua banyak. Asilau adau diau tigau pulua, adau diau enam pulua, adau pulau diau seratus.”

YUHANIS 15:8

Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

YUHANIS 3:29

Jemau diau bebunting diautu pengantinan. Kantin pengantinantu ngantininyau ngan ndengaghkanyau ajau, mangku diau riang, amun ndengagh suarau pengantinantu. Luak itu pulau ngan aku. Mbak kini atiku riang nian.

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

RUM 6:11

Kamu pulau mesti nganggap diri kamu mati batan endak dusau, tapitu idup batan endak Allah karnau seghundak ngan Yesus Keristus.

RUM 6:14

Dusau nidau agi nguasaui kamu, karnau kamu nidau idup agi nurut ukum Taurat, tapitu nurut keilu'an Allah.

RUM 6:2

Nidau ka adau! Dusau nidau agi nguasaui kitau. Mangku manau pacak kitau maju ngerjauka dusau?

RUM 6:22

Anyautu mbak kini kamu la dilepaska jak di dusau mangku njadi budak Allah. Untungau kamu la idup batan endak Allah mangku bulia idup sejati selelamaunyau.

RUM 7:3

Amun tinautu idup ngan lanang lain, masau lakiautu gi idup, tinautu menaugawia. Anyautu amun lakiau la mati, tinautu la bibas jak di peraturan tadi. Mangku amun diau nika agi ngan lanang diau lain, diau nidau menaugawia.

RUM 7:6

Mbak kini kitau la dilepaska jak di ukum Taurat. Mbak kini kitau la mati tuadap ukum diau senitu nguasaui kitau. Mangku kitau nidau agi nuruti carau lamau, ukum diau ditulis. Mbak kini kitau idup nurut carau diau empai diau ditunjuakka Rua Allah.

RUM 8:2

karnau Rua Allah diau nguasaui kitau ngan ngenjuakka idup la melepaska kitau jak di kuasau dusau ngan maut.

1 KURINTUS 10:16

Mangkuak diau kitau pakai masau kitau minum anggur ngan beterimau-kasia ngan Allah, apu ukan titu nunjuakka kitau seghundak ngan Keristus dalam kematianNyau? Ruti diau kitau agia-agiaka masau kitau makanau serempak, apu ukan titu nunjuakka, bansau kitau seghundak ngan badan Keristus?

2 KURINTUS 11:2

Aku nyanauka kamu nian luak Allah nyanauka kamu. Aku la njanjika kamu ngan Keristus. Mangku aku endak, supayau kamu maju beresia luak sughang gadis beresia enggut aghi nika.

GALATIA 3:13

Keristus mbibaska kitau jak di dawaian ukum Taurattu. Diau ngerjauka titu ngan ngenangka diriAu didawaika karnau kitau. Karnau di Injil ditulis, “Jemau diau mati digerintungka di kayu didawaika.”

GALATIA 5:18

Anyautu amun kamu idup dibimbing Rua Allah, kamu nidau dikuasaui ukum Taurat.

IPISUS 2:15

Mangku ukum Taurat ngan gegalau perintahau diabiska Keristus, mangku duau bangsau itu njadi manusiau empai karnau seghundak ngan Keristus. Ngan carau luak itu Diau ndamaika ughangtu.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

PILIPI 4:17

Ukan aku cuman endak nerimau pengenjuak. Diau aku endak, supayau kamu adau asil diau nguntungka kamu.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 1:22

Mbak kini kamu la seilu'an ngan Diau karnau Ana'Au mati. Ngan carau itu kamu pacak dibatak ngadap Allah ngan ati beresia, nidau bediau sala ngan nidau becelakau.

KULUSI 1:6

Ceritau iluak jak di Allahtu la tesiar di gegalau deniau, mangku ngenjuakka setu diau iluak ngan jemau. Luak itu pulau kamu, jak kamu empai ndengagh ceritautu senitu ngan nerimau keilu'an Allah ngenian.

KULUSI 2:14

Diau la mbatalka surat utang diau ngancam kitau ngan carau diau beghat. Surattu la dipakukaNyau di kayu salip, mangku gegalau buru'an la diabiska.

KULUSI 2:20

Kamu la mati seghundak ngan Keristus, la bibas jak di kuasau rua deniauni. Ngapau kamu gi idup luak jemau diau dikuasaui deniau? Ngapau kamu tunduak ngan peraturan luak ini:

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.

PENGINA'AN 19:7

Mela kitau beriang-riang ngan injiak, ngagungka Diau, karnau aghi nika Anak Bebiri la sampai, buntingAu la udim besiyuak.

PENGINA'AN 21:9

La udim itu datang sughang jak di tujua malaikat tadi diau mbatak tujua pan diau penua ngan tujua sengsarau diau mendian, mangku diau bekatau ngan aku, “Mela ke sini. Aku ka nunjuakka ngan kaba bunting Anak Bebiri.”