RUM 7:25 - PEJANJIAN EMPAI CERITAU ILUAK

²⁵ Terimau-kasia ngan Allah. Diau endak nyelamatka aku karnau Yesus Keristus, Tuhan kitau. Luak inila aku: Ngan rupu'anku aku na'ati ukum Allah, anyautu ngan perembakku aku na'ati dusau.

RUM 7:25 ပူးပေါင်းရင်းမြစ်များ

MATIUS 1:21

Diau ka melahirka sughang anak lanang. Budak keciak itu mesti kaba namauka Yesus, karnau Diau ka nyelamatka umatAu jak di dusaunyau.”

RUM 6:14

Dusau nidau agi nguasaui kamu, karnau kamu nidau idup agi nurut ukum Taurat, tapitu nurut keilu'an Allah.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

RUM 8:2

karnau Rua Allah diau nguasaui kitau ngan ngenjuakka idup la melepaska kitau jak di kuasau dusau ngan maut.

1 KURINTUS 15:57

Empuak luak itu, terimau-kasia ngan Allah. Diau la ngenjuakka kemenangan ngan kitau karnau Yesus Keristus, Tuhan kitau.

2 KURINTUS 9:15

Terimau-kasia ngan Allah, karnau enju'anNyau diau iluak nianantu.

IPISUS 5:20

Luak manau kila maju beterimau-kasiala ngan Allah Bapak dalam namau Tuhan kitau Yesus Keristus.

PILIPI 3:3

awuak kitaula diau besunat nian, ukan ughangtu. Kitauni nyemba Allah, dibimbing Rua Allah. Kitauni beterimau-kasia nian karnau la seghundak ngan Yesus Keristus. Kitauni nidau tepaut ngan setu diau dikerjauka di badan manusiau.

PILIPI 4:6

Jangan kamu ghegak ngan tuapau kila! Maju bedu'a, mintakla ngan Allah setu diau kamu endak ngan maju beterimau-kasia.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.