RUM 7:23 - PEJANJIAN EMPAI CERITAU ILUAK

²³ Anyautu aku meghasau di aku adau pulau carau lain diau belawanan ngan carau diau disetujui rupu'anku. Carau itu diau nguasaui diriku, mangku aku tunduak ngan dusau diau mendam di atiku.

RUM 7:23 ပူးပေါင်းရင်းမြစ်များ

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

RUM 6:19

Karnau kamu segau ngerti, aku endak ngiciakka cuntau idup idang aghi. Senitu kamu nyeraka diri kamu njadi budak setu diau nidau senangaian ngan tamba ja'at mangku ngerjauka keja'atan. Luak itu pulau mbak kini kamu mesti nyeraka gegalau diri kamu njadi budak Allah mangku ngerjauka setu diau beresia.

RUM 7:14

Kitau keruan, ukum Taurat asalau jak di Rua Allah. Anyautu aku manusiau biasau. Aku la tejual njadi budak dusau.

RUM 7:21

Mangku adau carau ini di aku: amun aku, endak ngerjauka setu diau iluak, anyautu diau adau di aku cuman diau ja'at.

RUM 7:25

Terimau-kasia ngan Allah. Diau endak nyelamatka aku karnau Yesus Keristus, Tuhan kitau. Luak inila aku: Ngan rupu'anku aku na'ati ukum Allah, anyautu ngan perembakku aku na'ati dusau.

RUM 7:5

Senitu kitau idup nurut carau manusiau. Masau itu serilau bedusau nguasaui kitau. Serilautu nimbul karnau ukum Taurat, mangku kitau ngerjauka setu diau nyebapka kitau mati.

RUM 8:2

karnau Rua Allah diau nguasaui kitau ngan ngenjuakka idup la melepaska kitau jak di kuasau dusau ngan maut.

GALATIA 5:17

Serilau manusiau belawanan ngan kendak Rua Allah, kendak Rua Allah belawanan ngan serilau manusiau, karnau sangi musui. Itula sebapau kamu nidau pacak ngerjauka setu diau kamu kenda'i.

IBRANI 12:4

Kamu lum bejuang melawan jemau bedusau, lum enggut mati dibunua.

YAKUBUS 3:2

Gegalau kitau rajin bebuat sala. Jemau diau nidau kekela bebuat sala ngan kici'an, diautu sempernau diau pacak nguasaui gegalau diriau.

YAKUBUS 4:1

Jak di manau asalau gegalau belagau ngan bebala? Apu ukan asalau jak di serilau kamu diau maju bekerjau di kamu?

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.