RUM 6:9 - PEJANJIAN EMPAI CERITAU ILUAK

⁹ Kitau keruan, bansau Keristus la diidupka jak di mati, nidau ka mati agi. Kematian nidau bekuasau agi ngan Diau.

RUM 6:9 ပူးပေါင်းရင်းမြစ်များ

RUM 5:14

Empuak luak itu jak timpau Adam enggut timpau Musa gegalau jemau mati galau. Jemau diau nidau melanggar luak Adam ngikut mati galau. Adamtu gambaran jemau diau ka datang nantitu.

RUM 6:10

Karnau satu Diau mati, dusau nidau bekuasau agi. Titu tejadi cuman sekali ajau batan endak selelamaunyau, mangku idupAu mbak kini batan endak Allah.

RUM 6:14

Dusau nidau agi nguasaui kamu, karnau kamu nidau idup agi nurut ukum Taurat, tapitu nurut keilu'an Allah.

RUM 6:4

Masau kitau dibaptiskatu, kitau mati ngan Diau, mangku kitau pulau dikuburka ngan Diau. Mangku Keristus diidupka agi jak di mati, karnau kuasau Bapak diau agung. Luak itu pulau kitau pacak njalani idup diau empai.

IBRANI 7:16

Diautu dijadika imam ukan karnau peraturan manusiau, tapitu karnau kuasauNyau ngan idupAu diau nidau ka abis.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.