RUM 6:3 - PEJANJIAN EMPAI CERITAU ILUAK

³ Cengki kamu la keruan, bansau masau kitau dibaptis, kitau njadi seghundak ngan Yesus Keristus. Itu bereti, kitau pulau mati ngan Diau.

RUM 6:3 ပူးပေါင်းရင်းမြစ်များ

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

RASUL 19:5

Satu ndengagh titu, ughangtu mintak dibaptiska atas namau Tuhan Yesus.

RASUL 2:38

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

RASUL 8:16

karnau Rua Allah lum nguasaui sughang kia jak di ughangtu. Ughangtu empai dibaptis dalam namau Tuhan Yesus ajau.

RUM 6:16

Cengki kamu keruan, amun kamu njualka diri kamu ngan sughang jemau njadi buda'au, mangku kamu budak jemautu nian ngan mesti na'atinyau. Apu kamu budak dusau ngan na'ati dusau diau nyebapka kamu mati, apu kamu budak Allah ngan na'atiNyau, mangku kamu dibenaghka?

RUM 6:8

Amun kitau la mati serempak ngan Keristus, kitau percayau, kitau ka diidupka pulau serempak ngan Diau.

RUM 7:1

Kantin-kantinku, cengki gegalau kamu la keruan peraturan, mangku kamu keruan, bansau peraturan belaku ngan jemau, masau jemau gi idup.

1 KURINTUS 10:2

Itu pacak dikiciakka umpamau baptisan dalam aban ngan laut endak njadi anak-bua Musa.

1 KURINTUS 12:13

Luak itu pulau gegalau kitau, empuak jemau Yahudi empuak jemau Yunani, empuak ambau empuak tuan, gegalau kitau la dibaptis ngan Rua diau semegi, supayau kitau njadi sutiak badan Keristus, mangku gegalau kitau dienjuakka Rua diau semegitu.

1 KURINTUS 15:29

Misalau jemau mati nidau ka ngulang idup, tuapau gunaunyau jemau dibaptis batan endak jemau mati? Ngapau adau jemau diau endak dibaptis batan endak jemau mati, amun nyela jemau mati nidau ka idup agi?

1 KURINTUS 3:16

Keruan ngan kamu, bansau kamu ghuma Allah? Mangku kamu bada Rua Allah.

1 KURINTUS 5:6

Nidau pantas kamu langguak. Asauku kamu la keruan, bansau ghagi dikit ngembangka gegalau lejuan.

1 KURINTUS 6:19

Cengki kamu la keruan, bansau badan kamu umpamau ghuma Allah, bada Rua Allah diau dienjuakka Allah ngan kamu, mangku kamutu ukan hak kamu. Kamutu hak Allah.

1 KURINTUS 6:9

Cengki kamu keruan, jemau diau nidau nuruti kendak Allah nidau ka bulia hak njadi umat Allah. Jangan kamu tetipu. Jemau diau ngerjauka kerjau ja'at, nyemba patung, menaugawia, sangi ribangka selanangan, sangi ribangka setinauan,

1 KURINTUS 9:13

Cengki kamu keruan, bansau jemau diau bekerjau di Ghuma Allah bulia makanan jak di Ghuma Allah. Jemau diau ngurus bada bekerban bulia bagian jak di kerban itu.

1 KURINTUS 9:24

Kamu la keruan, bansau tanding belaghi gegalau angguta ngikut belaghi, anyautu cuman sughang bulia adia. Karnau itu belaghila nian, mangku kamu bulia adiahautu.

2 KURINTUS 13:5

Cubau uji diri kamu, apu kamu ngenian idup percayau ngan Keristus. Cengki kamu ka ngeruani, bansau Yesus Keristus adau di ati kamu, lain amun kamu nidau percayau nian.

GALATIA 3:27

Gegalau kamu la dibaptis dalam namau Keristus, mangku kamu la nerimau sipat Keristus.

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati