RUM 6:19 - PEJANJIAN EMPAI CERITAU ILUAK

¹⁹ Karnau kamu segau ngerti, aku endak ngiciakka cuntau idup idang aghi. Senitu kamu nyeraka diri kamu njadi budak setu diau nidau senangaian ngan tamba ja'at mangku ngerjauka keja'atan. Luak itu pulau mbak kini kamu mesti nyeraka gegalau diri kamu njadi budak Allah mangku ngerjauka setu diau beresia.

RUM 6:19 ပူးပေါင်းရင်းမြစ်များ

MATIUS 4:23

Yesus ngidari gegalau daira Galilia. Diau ngajagh di ghuma-ghuma sembayang ngiciakka ceritau iluak, bansau Allah endak merinta. Diau pulau meghadui gegalau jemau buidapan ngan jemau cacat.

RUM 15:1

Kitau diau tegua imanau mesti ngaligh ngan jemau diau nidau semegi pendapat ngan nidau tegua imanau. Jangan kitau melemakka ati kitau ajau.

RUM 3:5

Amun keilu'an Allah tamba nyatau karnau dusau kitau, tuapau katau kitau? Apu Allah nidau adil, amun kitau diukum? Titu rupu'an jemau.

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

RUM 7:23

Anyautu aku meghasau di aku adau pulau carau lain diau belawanan ngan carau diau disetujui rupu'anku. Carau itu diau nguasaui diriku, mangku aku tunduak ngan dusau diau mendam di atiku.

RUM 8:26

Luak itu pulau Rua Allah nulung kitau, karnau kitau nidau tegua, karnau kitau nidau keruan, luak manau semestiau kitau bedu'a. Rua itula mintak ngan Allah batan endak kitau karnau ghindu tegalau, nidau pacak dikiciakka.

1 KURINTUS 5:6

Nidau pantas kamu langguak. Asauku kamu la keruan, bansau ghagi dikit ngembangka gegalau lejuan.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

1 KURINTUS 9:8

Katauku ini ukan cuman rupu'an manusiau ajau. Ukum Taurat ngiciakkanyau pulau.

GALATIA 3:15

Kantin-kantinku, nengkela aku ngiciakka cuntau jak di idup kitau. Amun duau jemau bejanji ngan janjitu la disahka, mangku nidau sughang kia pacak mbatalka janjitu ngan namba tuapau kila.

IBRANI 12:15

Jagauila, supayau jangan adau diau njawuaka diriau jak di keilu'an Allah, supayau jangan adau akagh diau beracun tumbua di guak kamu, mangku nimbul kekacauan ngan merusak banyak jemau karnau racunau.

IBRANI 4:15

Imam Besak kitautu pacak meghasauka kekilapan kitau, karnau Diau pulau dicubaui ngan gegalaunyau, anyautu nidau bedusau.