RUM 5:21 - PEJANJIAN EMPAI CERITAU ILUAK

²¹ Na, jemau mati karnau bedusau. Anyautu Allah nunjuakka jalan ngan kitau, mangku kitau seilu'an ngan Diau, karnau Diau nyayangi kitau. Mangku kitau la seilu'an ngan Allah. Diau ngenjuakka idup selelamaunyau ngan kitau karnau Tuhan kitau Yesus Keristus.

RUM 5:21 ပူးပေါင်းရင်းမြစ်များ

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 10:28

Aku ngenju'i diau idup selelamaunyau, mangku bebiritu nidau ka benasau enggut selelamaunyau. Nidau bediau sughang kia diau ka merebuti diau jak di sayianKu.

RUM 4:13

Allah bejanji ngan Abraham ngan pengadaunyau, bansau deniau njadi ha'au. Allah bejanji luak itu ukan karnau Abraham ta'at ngan ukum Taurat, tapitu karnau diau percayau mangku dibenaghka Allah.

RUM 5:12

Dusau masuak ke deniau karnau sughang jemau, mangku jemau mati ikak dusau. Mangku kematian nguasaui gegalau jemau ikak bedusau galau.

RUM 5:14

Empuak luak itu jak timpau Adam enggut timpau Musa gegalau jemau mati galau. Jemau diau nidau melanggar luak Adam ngikut mati galau. Adamtu gambaran jemau diau ka datang nantitu.

RUM 5:17

Gegalau jemau mati ikak dusau sughang jemau tadi. Besakla akibat diau dikerjauka sughang jemau lainau, diautu Yesus Keristus. Karnau Diautu Allah la ngenjuakka keilu'an ngan banyak jemau, dienjuakka ajau, mangku jemau pacak seilu'an ngan Allah. Mangku jemautu ka idup ngan menang karnau Yesus Keristus.

RUM 6:12

Karnau itu jangan agi endak idup kamu di deniauni dikuasaui dusau, supayau jangan agi nuruti serilau diau ja'at.

RUM 6:14

Dusau nidau agi nguasaui kamu, karnau kamu nidau idup agi nurut ukum Taurat, tapitu nurut keilu'an Allah.

RUM 6:16

Cengki kamu keruan, amun kamu njualka diri kamu ngan sughang jemau njadi buda'au, mangku kamu budak jemautu nian ngan mesti na'atinyau. Apu kamu budak dusau ngan na'ati dusau diau nyebapka kamu mati, apu kamu budak Allah ngan na'atiNyau, mangku kamu dibenaghka?

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

RUM 8:10

Amun Keristus adau dalam kamu, mangku Rua Allah ngenjuakka idup ngan kamu karnau la dibenaghka, empuak badan kamu ka mati karnau dusau.

TITUS 2:11

Keilu'an Allah diau nyelamatka gegalau manusiau la dinyatauka.

IBRANI 4:16

Karnau itu mela kitau beghani ngadap Allah diau iluak atiAu. Allahtu iluak ngan kitau ngan nyayangi kitau, mangku kitau ditulung, kebilau kitau merlukanyau.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

1 YUHANIS 2:25

Mangku inila janjiAu: idup selelamaunyau.