RUM 5:2 - PEJANJIAN EMPAI CERITAU ILUAK

² Karnau kitau percayau ngan Diau, mangku Diau nulung kitau ngeruani keilu'an Allah. Mbak kini kitau la meghasaukanyau. Mangku kitau riang, karnau adau aghapan kitau ka meghasauka keagungan Allah.

RUM 5:2 ပူးပေါင်းရင်းမြစ်များ

MATIUS 25:21

‘Iluakla,’ katau tuanautu. ‘Kaba anak-buaku diau iluak ngan pacak dipercayaui. Setu diau keciak kaba pacak dipercayaui, mangku aku ka nyeraka setu diau besak ngan kaba. Mela, masuak ngan ngikut beriang-riang ngan aku.’

YUHANIS 10:7

Mangku Yesus ngiciak agi, katauNyau, “Keruanila ini: Akuni umpamau duaghau masuak sangkaran bebiri itu.

YUHANIS 10:9

Akuni umpamau duaghau. Jemau diau masuak jalan Aku ka selamat, diau masuak ngeluagh mangku bulia makanan.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

RASUL 14:27

La sampai di situ, ughangtu ngajung jemau percayau betunggal, mangku ughang duautu nceritauka gegalaunyau diau la Allah kerjauka ngan ughangtu, luak manau Allah la nyatauka, supayau bangsau lain pulau pacak percayau ngan Allah.

RUM 11:20

Nyela nian. Ughangtu dicapakka karnau nidau percayau. Kamu diterimau karnau percayau. Jangan kamu geduak. Kamu mesti takut,

RUM 12:12

Aghapkala Tuhan ngan riang. Amun adau penanggungan, ngalighla ngan maju bedu'a.

RUM 14:4

Kamu nidau bulia ngadili budak jemau. Apu diau benagh apu sala, itu urusan tuanau. Nyela, budak itu ka ngerjauka setu diau benagh, karnau Tuhan pacak njagaui diau, supayau maju ngerjauka setu diau benagh

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 3:23

karnau gegalau jemau la bedusau ngan nidau bediau diau pacak meriangka ati Allah.

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

RUM 8:24

Kitau diselamatka karnau ngaghapka Allah. Anyautu amun setu diau kitau aghapka la kina'an, titu ukan diaghapka agi. Sapau masia ngaghapka setu diau la kina'an?

1 KURINTUS 15:1

Mbak kini, kantin-kantinku, aku endak ngingatka agi ceritau iluak jak di Allah, diau la kukiciakka senitu ngan kamu. Kamu la nerimaunyau, dijadika dasagh iman kamu.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

IPISUS 2:18

Karnau Keristus mangku gegalau kitau, empuak jemau Yahudi empuak ukan jemau Yahudi, pacak ngadapi Allah karnau Rua diau semegi.

IPISUS 3:12

Karnau kitau percayau ngan Keristus ngan seghundak ngan Diau, mangku kitau beghani ngiciak ngan Allah, karnau kitau percayau nian.

IPISUS 6:13

Karnau itu kenaukala gegalau pakaian jak di Allah, mangku masau diau ja'at kamu pacak melawan serangan musua. Mangku amun kamu la bejuang enggut pengabisan, kamu nidau mundur.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

PENGINA'AN 21:11

Kutatu penua ngan keagungan Allah. Sinaghau semegi ngan permatau diau alap sekali, luak permatau yaspis, jeghenia luak kacau diau alap.

PENGINA'AN 21:23

Mangku kutatu nidau merluka terang matau-aghi ngan bulan neranginyau, karnau keagungan Allah neranginyau ngan Anak Bebiritu njadi lampuau.

PENGINA'AN 21:3

Mangku aku ndengagh suarau bias jak di kerusi rajautu, kataunyau, “Mbak kini bada Allah di guak manusiau, mangku Diau ka seghundak ngan ughangtu. Ughangtu ka njadi umatAu, mangku Diau ka njadi Allah ughangtu.

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.