RUM 5:1 - PEJANJIAN EMPAI CERITAU ILUAK

¹ Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

RUM 5:1 ပူးပေါင်းရင်းမြစ်များ

LUKAS 19:38

Katau ughangtu, “Tepujila Rajau diau datang dalam namau Tuhan. Damai di sergau. Tepujila Allah!”

LUKAS 19:42

katauNyau, “Alaka ilu'au, amun mbak kini pulau kaba terti tuapau diau ndatangka damai batan endak kaba. Anyautu mbak kini kaba nidau pacak ngina'au.

LUKAS 2:14

“Tepujila Allah di bada diau Mahatinggi. Di deniau damai guak jemau diau melemakka ati Allah.”

YUHANIS 14:27

Aku mbuat ati kamu tenang. Keinji'anKu Kuenjuakka ngan kamu, mangku diau dienjuakka itu ukan luak diau dienjuakka deniau. Nidau nanti temas, ngan nidau nanti penakut.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

RUM 1:7

Itula sebapau aku nulis ngan kamu diau adau di Rum, jemau diau disayangi Allah ngan dipilia njadi umatAu. Aku bedu'a, supayau Allah Bapak kitau ngan Tuhan Yesus Keristus iluak ngan kamu ngan njagaui kamu ngan damai.

RUM 10:10

Ngan ati jemau percayau mangku dibenaghka. Ngan mulut jemau ngaku'i mangku diselamatka.

RUM 10:15

Mangku luak manau pulau jemau pacak ngiciakkanyau, amun nidau diajung? Dalam Injil ditulis luak ini, “Alaka lema'au nerimau jemau datang ngiciakka ceritau iluak jak di Allah.”

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 15:33

Aku bedu'a, supayau Allah diau ngenjuakka damai ngan manusiau nyertaui gegalau kamu. Amin.

RUM 3:22

bansau jemau pacak dibenaghka Allah, amun percayau ngan Yesus Keristus. Itula carau Allah mbenaghka gegalau jemau diau percayau ngan Keristus, karnau Allah nidau mbidaka jemau,

RUM 3:30

Allah gi sughang. Diautu mbenaghka jemau Yahudi karnau percayau, mangku jemau bangsau lain pulau karnau percayau.

RUM 4:5

Anyautu amun adau jemau diau nidau ngandalka kerjaunyau, mangku diau percayau ngan Allah diau nyatauka jemau bedusau bibas jak di salahau, jemautu dibenaghka Allah karnau percayau.

RUM 5:11

Ukan itu ajau. Kitau riang pulau karnau keilu'an Allah itu, mangku kitau la seilu'an ngan Diau karnau Tuhan kitau Yesus Keristus.

RUM 5:18

Jadi, dusau sughang jemau mbuat gegalau jemau diukum. Luak itu pulau kerjau sughang jemau diau ngerjauka kendak Allah mbuat gegalau jemau dilepaska jak di dusaunyau, mangku dienjuakka idup.

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

RUM 9:30

Amun luak itu, tuapau kesimpulan kitau? Tuapau pacak kitau kiciakka? Ini: bansau jemau bangsau lain diau nidau beusaha endak dibenaghka Allah, la dibenaghka karnau percayau.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 3:25

Mbak kini la masaunyau manusiau pacak percayau ngan Keristus, mangku kitau nidau agi dijagaui ukum itu.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

PILIPI 3:9

ngan seghundak ngan Diau. Aku nidau agi dibenaghka karnau kerjaukunila ngan ta'at ngan ukum Taurat. Mbak kini aku dibenaghka karnau percayau ngan Keristus. Allahtu diau mbenaghka jemau karnau percayau ngan Keristus.

KULUSI 1:20

Mangku karnau Diau, Allah ndamaika ngan diriAu gegalaunyau diau adau di sergau ngan di deniau. Allah ngerjauka titu ngan carau Ana'Au mati di kayu salip.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

2 TESALUNIKA 3:16

Kami bedu'a, supayau Tuhan maju ngenjuakka damai ngan kamu, empuak luak manau ajau. Aku bedu'a, supayau Tuhan nyertaui gegalau kamu.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.