RUM 4:17 - PEJANJIAN EMPAI CERITAU ILUAK

¹⁷ Di Injil ditulis luak ini, “Aku njadika kaba bak banyak bangsau.” Luak itu janji Allah ngan Abraham, mangku Abraham percayau ngan Diau. Diautu Allah diau ngidupka jemau mati ngan njadika setu diau nidau bediau njadi adau ngan kici'an ajau.

RUM 4:17 ပူးပေါင်းရင်းမြစ်များ

MATIUS 3:9

Jangan kamu sangkau, kamu ka lepas jak di ukuman ngan ngiciakka, bansau kamu pengadau Abraham. Keruanila, jak di batu-batu ini Allah pacak mbuat pengadau batan endak Abraham.

YUHANIS 5:21

Karnau luak Bapak ngidupka jemau mati, mangku dienjuakkaNyau idup empai, luak itula pulau Anak ngenjuakka idup ngan jemau diau endak Anak enjuakka idup.

YUHANIS 5:25

Percayaula, masaunyau ka sampai, mbak kini la sampai, jemau mati ka ndengagh suarau Anak Allah, mangku jemau diau ndengaghkanyau ka idup.

YUHANIS 6:63

Rua Allahtu diau ngenjuakka idup. Kekuatan manusiau nidau bediau gunaunyau. Kici'anKu ini diau Kukiciakka ngan kapu dighi asalau jak di Rua Allah diau ngenjuakka idup.

RASUL 15:18

Jak di senitu titu la dikiciakka.

RUM 3:29

Apu Allahtu Allah jemau Yahudi ajau? Apu ukan Allah jemau bangsau lain pulau? Nyela, Diau Allah jemau bangsau lain pulau.

RUM 4:18

Abraham maju ngaghap ngan percayau, awuak nidau bediau aghapan agi, bansau diau njadi bak banyak bangsau, luak ditulis di Injil, “Pengadau kaba ka banyak nianan.”

RUM 4:2

Amun Abraham dibenaghka karnau kerjaunyau, diau adau sebapau endak bangga, anyautu ukan di adapan Allah.

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

RUM 9:11

Antak ka duau ana'autu adau, Allah la milia sughang. Pilian Allah nidau bepaut ngan kerjau manusiau, tapitu bepaut ngan kendak Allah, karnau masau itu duau ughangtu lum pacak ngerjauka tuapau-apau, apu diau iluak apu diau ja'at.

RUM 9:26

Mangku, “Di bada jemau dikiciakka, ‘ukan umatKu’, di situ ughangtu ka dikiciakka ‘anak Allah diau idup’.”

1 KURINTUS 1:28

Allah milia diau dianggap deniau inau ngan diau nidau bediau retiau, supayau diabiska diau diregaui deniau.

1 KURINTUS 15:45

Dalam Injil ditulis luak ini, “Mangku manusiau diau dulu sekali, diautu Adam, dijadika, mangku diau idup.” Mangku Adam diau mendiantu rua diau ngenjuakka idup.

1 TIMUTIUS 6:13

Mangku mbak kini di adapan Allah diau ngidupka gegalaunyau ngan di adapan Yesus Keristus diau ngaku'i ceritau diau benagh di mukau Puntius Pilatus, aku ngajung kaba nian,

IBRANI 11:12

Masau itu diau luak jemau tigha kari matiau. Empuak luak itu di diau banyak pengadau, nidau kebilangan banya'au luak bintang di langit ngan bungin di tepi laut.

IBRANI 11:3

Karnau percayau, mangku kitau ngerti, bansau langit ngan deniau dijadika Allah ngan kici'anNyau, mangku setu diau kitau kinak dijadika jak di setu diau nidau kina'an.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

1 PITRUS 2:10

Senitu kamu ukan umat Allah, mbak kini kamu la njadi umat Allah. Senitu kamu nidau disialka Allah, mbak kini kamu la disayangiNyau.

2 PITRUS 3:8

Anyautu kantin-kantinku, jangan kamu lupau ini: Amun Tuhan, saghi semegi ngan seribu taun, seribu taun semegi ngan saghi.