RUM 4:11 - PEJANJIAN EMPAI CERITAU ILUAK

¹¹ Sunattu cuman njadi tandau, bansau diau dibenaghka Allah karnau percayau antak ka besunat. Mangku diau njadi bapak gegalau jemau percayau diau nidau besunat, mangku ughangtu dibenaghka karnau percayau.

RUM 4:11 ပူးပေါင်းရင်းမြစ်များ

MATIUS 16:16

Simun Pitrus nimbal, “Dighila Almasih, Rajau Penyelamat, Anak Allah diau idup.”

MATIUS 8:11

Ngenian, banyak jemau ka datang jak di sebela matau-aghi tumbua, jak di sebela matau-aghi tumban duduak makan serempak ngan Abraham, Isak ngan Yakub di sergau.

LUKAS 19:9

Yesus bekatau, “Saghini jemau seghuma ini la diselamatka, karnau jemau ini pulau pengadau Abraham.

YUHANIS 3:33

Jemau diau percayau ngan kici'anNyautu nyetujui Allah itu benagh.

YUHANIS 3:36

Jemau diau percayau ngan Ana'Autu bulia idup selelamaunyau. Anyautu jemau diau nidau ta'at ngan Ana'Autu nidau ka bulia idup empai. Jemautu maju diukum Allah.

YUHANIS 6:35

Katau Yesus, “Akunila makanan diau ngenjuakka iduptu. Jemau diau datang njenguak Aku nidau ka lapagh agi, mangku jemau diau percayau ngan Aku nidau ka aus agi.

YUHANIS 6:40

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

YUHANIS 6:47

Ingatkala, jemau diau percayau bulia idup empai selelamaunyau.

YUHANIS 8:33

“Kamini pengadau Abraham,” katau ughangtu, “Lum kekela kami njadi budak belian ngan jemau. Ngapau Kaba ngiciakka, kapu dighi ka dibibaska?”

RUM 10:11

Karnau di Injil ditulis, “Jemau diau percayau nidau ka dimaluka.”

RUM 10:4

Tujuan ukum Taurat la ditepati Keristus, mangku bilang jemau diau percayau njadi seilu'an ngan Allah.

RUM 10:6

Anyautu ceritau carau jemau dibenaghka karnau percayau ngan injil dikiciakka luak ini, “Nidau nanti kaba ngiciak dalam ati, ‘Sapau ka nayiak ke sergau?’ ” Retiau endak ngajung Keristus tughun.

RUM 3:22

bansau jemau pacak dibenaghka Allah, amun percayau ngan Yesus Keristus. Itula carau Allah mbenaghka gegalau jemau diau percayau ngan Keristus, karnau Allah nidau mbidaka jemau,

RUM 3:26

Mbak kini Diau nidau agi ngenangka perembak jemau, anyautu Diau endak seilu'an ngan jemau. Ngan carau itu Diau nyatauka, bansau Diautu benagh ngan pulau mbenaghka jemau diau percayau ngan Yesus.

RUM 3:30

Allah gi sughang. Diautu mbenaghka jemau Yahudi karnau percayau, mangku jemau bangsau lain pulau karnau percayau.

RUM 4:10

Kebilau diau dibenaghka? Apu antak ka disunat apu la udim? Nyela, antak ka disunat.

RUM 9:30

Amun luak itu, tuapau kesimpulan kitau? Tuapau pacak kitau kiciakka? Ini: bansau jemau bangsau lain diau nidau beusaha endak dibenaghka Allah, la dibenaghka karnau percayau.

RUM 9:33

Ceritau batutu la ditulis dalam Injil luak ini, “Keruanila, di Siun la Kutepiakka sebua batu diau mbuat jemau tuantuak ngan telabua. Mangku bilang jemau diau percayau ngan Diau nidau ka dimaluka.”

RUM 9:6

Titu ukan bereti, bansau janji Allah nidau lasung. Nyela, ukan gegalau jemau Israil njadi umatAu.

2 KURINTUS 1:22

Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

GALATIA 3:22

Anyautu di Injil la ditulis, bansau gegalau manusiau la dikuasaui dusau, mangku setu diau dijanjika Allah dienjuakka ngan jemau diau percayau ngan Keristus, karnau janjitu cuman dienjuakka ngan jemau amun percayau.

GALATIA 3:29

Mangku amun kamu hak Keristus, kamu pulau pengadau Abraham, mangku kamu behak nerimau setu diau dijanjika Allahtu.

GALATIA 3:7

Amun luak itu, kamu keruan, bansau jemau diau pengadau Abraham nian jemau diau percayau ngan Allah.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

GALATIA 6:16

Mangku ngan jemau diau idup nurut pendirian ini aku bedu'a, supayau Allah iluak nian ngan ngenjuakka damai. Luak itu pulau ngan gegalau umat Allah.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

IPISUS 4:30

Jangan madakka Rua Allah. Kamu la ditandaui ngan Ruatu njadi hak Allah. Ruatu njadi jaminan batan endak kitau, bansau aghi kitau diselamatka ka sampai.

PILIPI 3:9

ngan seghundak ngan Diau. Aku nidau agi dibenaghka karnau kerjaukunila ngan ta'at ngan ukum Taurat. Mbak kini aku dibenaghka karnau percayau ngan Keristus. Allahtu diau mbenaghka jemau karnau percayau ngan Keristus.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

PENGINA'AN 9:4

Mangku nidau diajung merusakka gheghumputan, tetanaman ngan kekayuan, tapitu diajung nyerang jemau ajau diau nidau bediau tandau jak di Allah di keningau.