RUM 3:5 - PEJANJIAN EMPAI CERITAU ILUAK

⁵ Amun keilu'an Allah tamba nyatau karnau dusau kitau, tuapau katau kitau? Apu Allah nidau adil, amun kitau diukum? Titu rupu'an jemau.

RUM 3:5 ပူးပေါင်းရင်းမြစ်များ

RUM 12:19

Kantin-kantinku diau kusayangi, jangan kamu ndendam. Nengkela Allah diau ngukum, karnau di Injil ditulis, “Allah bekatau, ‘Akula diau mbalas, Akula diau ngukumau.’ ”

RUM 2:5

Anyautu kamu maju melawan, enggup beghuba. Karnau itu kamu itula diau mbuat ukuman kamu tamba beghat masau aghi kiamat nanti, amun Allah nyatauka maraHau ngan ukumanNyau diau adil,

RUM 3:19

Kitau keruan, gegalaunyau diau ditulis di ukum Taurat ditulis batan endak jemau diau semestiau nuruti ukum Taurattu. Mangku nidau bediau tapakan agi ngan gegalau jemau diukum Allah.

RUM 3:7

Amun karnau perembak diau nidau benagh keilu'an Allah tamba nyatau ngan tamba dipuji, ngapau jemau bedusautu maju diukum?

RUM 4:1

Amun luak itu, tuapau diau ka kitau kiciakka ceritau Abraham, niniak puyang kitau?

RUM 5:8

Anyautu Allah nyatauka sayangAu ngan kitau, karnau Keristus mati batan endak kitau, masau kitau gi jemau bedusau.

RUM 6:1

Amun luak itu, tuapau diau ka kitau kiciakka? Apu kitau maju mbuat dusau, supayau Allah tamba nyayangi kitau?

RUM 6:19

Karnau kamu segau ngerti, aku endak ngiciakka cuntau idup idang aghi. Senitu kamu nyeraka diri kamu njadi budak setu diau nidau senangaian ngan tamba ja'at mangku ngerjauka keja'atan. Luak itu pulau mbak kini kamu mesti nyeraka gegalau diri kamu njadi budak Allah mangku ngerjauka setu diau beresia.

RUM 7:7

Amun luak itu, tuapau diau pacak kitau kiciakka? Apu ukum Taurat ja'at? Nidau ka adau! Aku keruan dusau karnau ukum Taurat. Aku nidau keruan, tuapau retiau ngibauka barang jemau, amun ukan ukum ngiciakka, “Jangan ngibauka barang jemau.”

RUM 8:31

Mangku tuapau diau pacak kitau kiciakka mbak kini? Sapau pacak melawan kitau, amun Allah mihak ngan kitau?

RUM 9:30

Amun luak itu, tuapau kesimpulan kitau? Tuapau pacak kitau kiciakka? Ini: bansau jemau bangsau lain diau nidau beusaha endak dibenaghka Allah, la dibenaghka karnau percayau.

1 KURINTUS 15:32

Amun nurut rupu'an manusiau ajau, tuapau gunaunyau aku melawan benatang ganas di Ipisus? Amun jemau mati nidau ka idup agi, iluakla kitau “makan-minum, beriang-riang, karnau pagi kitau ka mati.”

1 KURINTUS 9:8

Katauku ini ukan cuman rupu'an manusiau ajau. Ukum Taurat ngiciakkanyau pulau.

2 KURINTUS 6:4

Anyautu gegalau kerjau kami nunjuakka kami bekerjau batan endak Allah. Kami la nanggungka gegalau sengsarau ngan penanggungan ngan ngaligh nian.

2 KURINTUS 7:11

Cubau kami ngingatka, tuapau asilau di kamu kemada'an jak di Allah. Asilau kamu beusaha nian endak mberesiaka diri jak di pemburu'an. Kamu keghengaman ngan dusau, takut, ghindu, rajin, mangku endak ngukum jemau diau besala. Ngan gegalaunyautu kamu la mbuktika, bansau kamu nidau besala dalam pekarau itu.

GALATIA 2:18

Amun aku mulai negakka agi setu diau la kuleghak, mangku aku nyatauka diriku pelanggar ukum Taurat.

GALATIA 3:15

Kantin-kantinku, nengkela aku ngiciakka cuntau jak di idup kitau. Amun duau jemau bejanji ngan janjitu la disahka, mangku nidau sughang kia pacak mbatalka janjitu ngan namba tuapau kila.

PENGINA'AN 15:3

Ughangtu benyanyi nyanyika nyanyian Musa, budak Allahtu, ngan nyanyian Anak Bebiri. Muniau luak ini, “Tuhan, Allah diau Mahakuasau. Gegalau kerjau Dighi besak nianan ngan nyelia. Dighitu Rajau gegalau bangsau. Carau Dighi adil ngan benagh galau.

PENGINA'AN 18:20

Riangla kamu, ui sergau, ngan kamu, ui umat Allah ngan nabi-nabi ngan rasul-rasul! Allah la ngukum diau karnau kamu.