RUM 2:9 - PEJANJIAN EMPAI CERITAU ILUAK

⁹ Bilang jemau diau galak ngerjauka diau ja'at ka sengsarau ngan nanggung. Jemau Yahudi kudai mangku jemau Yunani mangku pulau jemau bangsau lain.

RUM 2:9 ပူးပေါင်းရင်းမြစ်များ

MATIUS 16:26

Tuapau untungau, amun jemau bulia gegalau deniau njadi retaunyau, anyautu diau ka benasau? Tuapau diau pacak ditukarka batan endak nyawaunyau?

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 13:26

Ui, kapu dighi pengadau Abraham ngan kapu dighi diau lain diau ta'at ngan Allah. Ceritau keselamatan la dikiciakka ngan kitau.

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

RASUL 26:20

Ngan terang-terangan aku ngiciakka ngan jemau, mbak bansau ughangtu mesti ngubai peremba'au jak di dusaunyau ngan ngulang njenguak Allah ngan mbuktika ngan idupau, bansau ughangtu la ngubai nian. Aku ngiciakka titu dulu sekali di Damsik, udim itu di Yerusalim ngan di gegalau Yudia, mangku pulau ngan jemau bangsau lain.

RASUL 28:17

La tigau aghi di Rum, Paulus ngajak pengulu-pengulu jemau Yahudi di situ betunggal. Ughangtu la betunggal, Paulus bekatau, “Adiak-sanak, aku nidau besala ngan bangsau kitau ngan nidau melawan adat lembagau niniak puyang kitau. Empuak luak itu, aku ditangkap di Yerusalim ngan diseraka ngan jemau Rum.

RASUL 28:28

Mangku Paulus bekatau, “Kapu dighi mesti keruan, bansau keselamatan diau jak di Allahtu dikiciakka ngan bangsau lain. Ughangtu ka nerimaunyau.” [

RASUL 3:26

Itula sebapau Allah netapka Buda'Au mangku ngajung Diau datang dulu guak kapu dighi, mangku Diau iluak ngan kapu dighi ngajung kapu dighi ngubai jak di perembak diau ja'at.”

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 10:12

Titu batan endak gegalau jemau, empuak jemau Yahudi empuak jemau bangsau lain, nidau bediau bidahau, karnau Allah diau sughangtu Tuhan gegalau jemau. Diau iluak nian ngan gegalau jemau diau mintak tulung ngan Diau.

RUM 2:10

Anyautu gegalau jemau diau galak ngerjauka diau iluak ka dipuji ngan diregaui ngan dienju'i damai ketenteraman jak di Allah, jemau Yahudi kudai mangku pulau jemau bangsau lain.

RUM 8:35

Tuapau pacak ngalangi Keristus nyayangi kitau? Apu Diau dialangi, amun kitau bingung ngan nanggung, amun kitau diluatka, amun kelapaghan ngan serik, amun adau bayau, lagi mati?

RUM 9:24

kitau diau la dipilia ukan cuman jak di jemau Yahudi, tapitu jak di jemau bangsau lain pulau.

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.

2 TESALUNIKA 1:6

Allah itu adil. Diau ka mbalaska jemau diau mbuati kamu.

1 PITRUS 4:17

La sampai masaunyau Allah ngadili deniau. Umat Allah itula diau dulu sekali diadili. Amun kitau dulu diadili, luak manau jadiau nanti ngan jemau diau nidau percayau ngan ceritau iluak jak di Allah itu?