RUM 2:7 - PEJANJIAN EMPAI CERITAU ILUAK

⁷ Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 2:7 ပူးပေါင်းရင်းမြစ်များ

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

LUKAS 21:19

Amun kamu ka beta'an ngan sabar, kamu ka selamat.”

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

YUHANIS 4:36

Mbak kini jemau diau ngetam la nerimau upahau, diau melungguakka asilau batan endak idup empai selelamaunyau, mangku jemau diau nanam ngan jemau diau ngetam semegi riangau.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

RUM 2:10

Anyautu gegalau jemau diau galak ngerjauka diau iluak ka dipuji ngan diregaui ngan dienju'i damai ketenteraman jak di Allah, jemau Yahudi kudai mangku pulau jemau bangsau lain.

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

RUM 8:18

Aku keruan, bansau penanggungan kitau mbak kini nidau pacak dibandingka ngan keagungan diau ka diancakka ngan kitau nanti.

RUM 9:23

Allah pulau endak nunjuakka keagungan ngan kekayauan diau nidau abis-abis ngan kitau diau disayangiNyau, kitau diau la disediauka endak diagungka,

1 KURINTUS 15:42

Luak itu pulau nanti ngan jemau mati diau idup agi. Badan diau ditanamtu ka busuak, badan diau idup agi nidau ka busuak.

1 KURINTUS 15:50

Diau endak kukiciakka ngan kamu luak ini: Badan diau dijadika jak di dagha ngan daging nidau pacak bulia bada di sergau, mangku badan diau ka busuaktu nidau pacak idup selelamaunyau.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

GALATIA 6:9

Karnau itu jangan kitau puas ngerjauka setu diau iluak. Karnau amun kitau nidau mandak-mandak ngerjauka titu, kitau ka nerimau asilau, amun masaunyau la sampai.

IPISUS 6:24

Aku bedu'a, supayau Allah iluak ngan gegalau kamu diau nyayangi Tuhan kitau Yesus Keristus ngan sayang diau nidau ka abis-abis.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

2 TIMUTIUS 1:10

Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

IBRANI 2:7

Gi jerang ajau Dighi mbuat kuasaunyau kurang jak di kuasau malaikat. Mangku dienjuakka ngan diau pangkat tinggi diau agung ngan diregaui,

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

IBRANI 6:15

Abrahamtu nunggu ngan ngaligh mangku nerimau setu diau dijanjikatu.

1 YUHANIS 2:25

Mangku inila janjiAu: idup selelamaunyau.