RUM 2:4 - PEJANJIAN EMPAI CERITAU ILUAK

⁴ Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

RUM 2:4 ပူးပေါင်းရင်းမြစ်များ

RUM 10:12

Titu batan endak gegalau jemau, empuak jemau Yahudi empuak jemau bangsau lain, nidau bediau bidahau, karnau Allah diau sughangtu Tuhan gegalau jemau. Diau iluak nian ngan gegalau jemau diau mintak tulung ngan Diau.

RUM 11:22

Kitau nginak keilu'an Allah ngan ketegasan Allah. Diau tegas ngan jemau diau bedusau, tapitu iluak ngan kamu, amun kamu maju idup pantas nerimau keilu'anNyau. Amun nidau, kamu pulau ka dicapakka.

RUM 11:33

Alaka kayau nian ngan bepengertian nian Allah ngan ngeruani gegalaunyau. Nidau sughang kiala pacak ngeruani rencanauNyau. Nidau sughang kiala pacak ngeruani carauNyau.

RUM 3:25

Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

RUM 6:1

Amun luak itu, tuapau diau ka kitau kiciakka? Apu kitau maju mbuat dusau, supayau Allah tamba nyayangi kitau?

RUM 6:15

Mangku luak manau kitau? Apu bulia kitau mbuat dusau, karnau kitau nidau agi dikuasaui ukum Taurat, tapitu disayangi Allah? Nidau ka adau!

2 KURINTUS 8:2

Ughangtu la meghasauka penanggungan diau beghat, anyautu ughangtu maju riang nian ngan ngenjuak nidau dikit nulung jemau, empuak serik nian.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

IPISUS 2:4

Anyautu Allah iluak nianan ngan kitau. Karnau Diau sayang tegalau,

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

IPISUS 3:16

Aku bedu'a, supayau Allah diau kayau ngan agung sekali neguaka ati kamu ngan RuaHau.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

PILIPI 4:19

Allah diau kusemba kayau kematila. Diau ka ngenjuakka ngan kamu gegalaunyau diau kamu mesti gunauka karnau Yesus Keristus.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

1 TIMUTIUS 1:16

Anyautu Allah nyialka aku, mangku Yesus Keristus pacak nyatauka gegalau kengalighanNyau ngan aku, jemau diau paling bedusauni. Mangku aku njadi penauan batan endak jemau diau ka percayau nanti ngan bulia idup selelamaunyau.

1 TIMUTIUS 6:17

Ingatkala jemau kayau di deniau ini, supayau jangan geduak ngan jangan ngandalka retau bendau diau nidau ka lamau. Ughangtu mesti ngaghapka Allah diau ngenjuakka gegalaunyau banyak kematila, supayau kitau riang nggunaukanyau.

1 PITRUS 3:20

diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.

2 PITRUS 3:3

Diau penting diau mesti kamu keruani, bansau masau pengabisan saman ka adau jemau diau idupau dikuasaui serilaunyau. Ughangtu ka nggelakka kamu.

2 PITRUS 3:9

Tuhan nidau lambat nepati janjiAu, empuak adau diau nganggap luak itu. Anyautu Diau ngaligh ngan kamu, karnau Diau endak, supayau jangan adau diau benasau. Diau endak, supayau gegalau jemau ngubai jak di dusaunyau.

PENGINA'AN 2:21

Aku la ngenjuakka masau, supayau diau ngubai jak di peremba'autu, anyautu diau enggup ngubai jak di kerjaunyau menaugawiatu.

PENGINA'AN 3:20

Kina'ila, Aku betegak di mukau duaghau ngan nggagur. Amun adau jemau ndengagh suarauKu ngan mbukakka duaghau, Aku ka masuak betemu ngan diau. Mangku Aku makan ngan diau, diau ngan Aku.