RUM 2:29 - PEJANJIAN EMPAI CERITAU ILUAK

²⁹ Anyautu jemau diau ngenian Yahudi, jemau diau jiwahau jemau Yahudi. Sunat diau ngenian, sunat di ati diau dikerjauka Rua Allah ukan diau dikerjauka nurut setu diau ditulis di kitab. Mangku jemau luak itu dipuji Allah, ukan dipuji manusiau.

RUM 2:29 ပူးပေါင်းရင်းမြစ်များ

LUKAS 11:39

Karnau itu Yesus ngiciak ngan diau, katauNyau, “Nyela, kapu dighi jemau Parisi biasaunyau mbasua mangkuak ngan piring di luagh ajau, anyautu dalam ati kapu dighi penua kesela'an ngan keja'atan.

LUKAS 17:21

lagi pulau jemau nidau pacak bekatau, ‘Mela nginak, ini diau!’ ngan ‘Di situ diau!’, karnau Allah la mulai merinta di guak kapu dighi.”

YUHANIS 12:43

Ughangtu galakla dipuji manusiau sangkan dipuji Allah.

YUHANIS 4:23

Masaunyau ka sampai, mangku la sampai mbak kini, jemau ka nyemba Bapak ngan kuasau Rua Allah luak Diau nyatauka diriAu. karnau Bapak endak disemba luak itu.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

RUM 2:27

Mangku jemau diau nidau disunat anyautu ngerjauka ukum Taurat ka nyalaka kamu diau la keruan ukum Taurat ngan disunat, anyautu melanggar ukumtu.

RUM 3:1

Amun luak itu, tuapau untungau jemau Yahudi? Tuapau gunaunyau besunat?

RUM 7:6

Mbak kini kitau la dilepaska jak di ukum Taurat. Mbak kini kitau la mati tuadap ukum diau senitu nguasaui kitau. Mangku kitau nidau agi nuruti carau lamau, ukum diau ditulis. Mbak kini kitau idup nurut carau diau empai diau ditunjuakka Rua Allah.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

1 KURINTUS 7:19

Besunat ngan nidau besunat nidau penting. Diau penting nuruti perinta Allah.

2 KURINTUS 10:18

Jemau diau dipuji Tuhan ta'an uji ukan jemau diau muji diriau.

2 KURINTUS 3:6

Diautu pulau mbuat kami sanggup bekerjau batan endak Allah nurut janji empai. Janjitu tegantung ngan Rua Allah ukan ngan ukum diau tetulis. Karnau diau ditulistu mbatak mati, tapitu Rua Allah ngenjuakka idup.

PILIPI 3:3

awuak kitaula diau besunat nian, ukan ughangtu. Kitauni nyemba Allah, dibimbing Rua Allah. Kitauni beterimau-kasia nian karnau la seghundak ngan Yesus Keristus. Kitauni nidau tepaut ngan setu diau dikerjauka di badan manusiau.

1 TESALUNIKA 2:4

Kami ngiciak ukan endak melemakka ati manusiau, tapitu endak melemakka ati Allah, karnau Allah nganggap kami pantas ngiciakka ceritau iluak itu. Diautu nguji ati kami.

1 PITRUS 3:4

Anyautu kualapan kamu semestiau nimbul jak di ati ngan carau diau iluak ngan tenang. Itu kualapan diau tetap diau beregau nian di adapan Allah.