RUM 2:13 - PEJANJIAN EMPAI CERITAU ILUAK

¹³ Jemau nidau dibenaghka, amun keruan ukum Taurat. Jemau dibenaghka, amun ngerjauka setu diau diajung ukum Taurattu.

RUM 2:13 ပူးပေါင်းရင်းမြစ်များ

LUKAS 18:14

Nyela nian,” katau Yesus, “Tukang tagia cuki itu baliak ke ghumahau la diterimau Allah, ukan jemau Parisi tadi. Karnau jemau diau nganggap diriau lebia jak di jemau lain nidau ka diregaui. Mangku jemau diau ngensian ka diregaui.”

LUKAS 8:21

Yesus nimbali ughangtu, katauNyau, “Jemau diau ndengaghka kici'an Allah ngan na'atinyau, ughang itula makKu ngan ading-beghadingKu.”

YUHANIS 13:17

Kamu la keruan gegalaunyauni. Riang kamu, amun dikerjauka.

RASUL 13:39

Karnau Diautu bilang jemau diau percayau pacak dilepaska jak di gegalau dusaunyau. Titu nidau pacak dikerjauka ukum Musa.

RUM 10:5

Musa nulis, bansau jemau diau endak dibenaghka Allah karnau ukum Taurat, jemautu ka idup, amun ta'at nian ngan ukumtu.

RUM 2:25

Nyela, sunat adau gunaunyau, amun kamu ta'at ngan ukum Taurat. Anyautu amun kamu nidau ta'at ngan ukumtu, sunattu nidau bediau gatiau.

RUM 3:20

Karnau nidau sughang kiala pacak dibenaghka di adapan Allah ngan jalan nuruti ukum Taurat. Ukum Taurattu cuman nyatauka manusiau jemau bedusau.

RUM 3:23

karnau gegalau jemau la bedusau ngan nidau bediau diau pacak meriangka ati Allah.

RUM 3:30

Allah gi sughang. Diautu mbenaghka jemau Yahudi karnau percayau, mangku jemau bangsau lain pulau karnau percayau.

1 KURINTUS 4:4

Aku nidau meghasau besala, anyautu titu ukan mbuktika, bansau aku endiak besala. Tuhan itula ka netapka, apu aku besala apu nidau.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 5:4

Amun kamu endak dibenaghka karnau nuruti ukum Taurat, itu mbuktika kamu la beceghai ngan Keristus. Ngan carau luak itu kamu nidau pacak meghasauka keilu'an Allah.

YAKUBUS 1:27

Keta'atan agamau diau ngenian nurut Allah Bapak, itu nulung jemau anak umang ngan randau diau sengsarau ngan njagaui diri, mangku jangan dirusakka deniau.

1 YUHANIS 2:29

Kamu la keruan, bansau Keristus idup nurut kendak Allah, mangku kamu mesti keruan pulau, bansau bilang jemau diau idup nurut kendak Allah asalau jak di Allah.

1 YUHANIS 3:7

Anak-buaku, jangan kamu disesatka. Jemau diau ngerjauka kendak Allah asalau jak di Allah, luak Keristus pulau asalau jak di Allah.