RUM 2:10 - PEJANJIAN EMPAI CERITAU ILUAK

¹⁰ Anyautu gegalau jemau diau galak ngerjauka diau iluak ka dipuji ngan diregaui ngan dienju'i damai ketenteraman jak di Allah, jemau Yahudi kudai mangku pulau jemau bangsau lain.

RUM 2:10 ပူးပေါင်းရင်းမြစ်များ

MATIUS 10:13

Amun ughang di ghuma itu nerimau kamu, salamtu ka mendam ngan ughangtu. Amun nidau, salamtu ka ngulang ke kamu.

LUKAS 1:79

Luak itula Diau endak ngenjuak terang ngan jemau diau idup dalam keleman ngan takut ka mati. Diau endak mbimbing kitau ke jalan damai.”

LUKAS 12:37

Alaka riangau anak-bua diau dang nunggu, masau tuanau sampai. Percayaula, tuanautu ka siap, ngajung anak-buahau itu duduak makan, mangku ditepi'inyau.

LUKAS 19:42

katauNyau, “Alaka ilu'au, amun mbak kini pulau kaba terti tuapau diau ndatangka damai batan endak kaba. Anyautu mbak kini kaba nidau pacak ngina'au.

LUKAS 22:14

La masaunyau endak makan jamuan Paska itu, Yesus duduak makan serempak ngan rasul-rasul.

LUKAS 9:48

mangku Diau bekatau, “Jemau diau nerimau sughang budak keciak luak diauni karnau Aku diau nerimau Aku. Mangku jemau diau nerimau Aku nerimau pulau Allah diau ngajung Aku. Karnau jemau diau nidau penting jak di kamu, diaula penting sekali.”

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

YUHANIS 14:27

Aku mbuat ati kamu tenang. Keinji'anKu Kuenjuakka ngan kamu, mangku diau dienjuakka itu ukan luak diau dienjuakka deniau. Nidau nanti temas, ngan nidau nanti penakut.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RASUL 10:35

Bilang jemau, amun percayau ngan takut ngan Allah ngan ngerjauka diau benagh, diterimau Allah. Diautu nidau milia rupau.

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 2:9

Bilang jemau diau galak ngerjauka diau ja'at ka sengsarau ngan nanggung. Jemau Yahudi kudai mangku jemau Yunani mangku pulau jemau bangsau lain.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

RUM 8:6

Amun kitau idup nurut serilau manusiau, kitau mati. Amun kitau idup nurut Rua Allah, kitau idup damai ngan Allah.

RUM 9:21

Apu ukan tukang peghiyuak behak ngerjauka tana liat sekenda'au? Tukangtu behak ngerjauka setu duau mecam pakai sebungka diau semegi, semecam batan endak kerjau diau iluak, semecam batan endak kerjau diau biasau.

RUM 9:23

Allah pulau endak nunjuakka keagungan ngan kekayauan diau nidau abis-abis ngan kitau diau disayangiNyau, kitau diau la disediauka endak diagungka,

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

PILIPI 4:7

Mangku damai jak di Allah diau nidau pacak manusiau terti ka njagaui ati ngan rupu'an kamu karnau la seghundak ngan Yesus Keristus.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

IBRANI 2:7

Gi jerang ajau Dighi mbuat kuasaunyau kurang jak di kuasau malaikat. Mangku dienjuakka ngan diau pangkat tinggi diau agung ngan diregaui,

YAKUBUS 2:22

Nyela nian, bansau percayau mesti dinyatauka ngan kerjau, mangku ngan kerjau itu percayau njadi sempernau.

YAKUBUS 3:13

Amun adau jak di kamu diau bepengertian nian, diau mesti nyataukanyau ngan idup iluak ngan kerjau diau iluak diau dikerjauka ngan pengertian ngan nidau geduak.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.