RUM 15:18 - PEJANJIAN EMPAI CERITAU ILUAK

¹⁸ Aku beghani ngiciak luak itu ngiciakka cuman setu diau dikerjauka Keristus karnau aku, supayau mbuat jemau bangsau lain ta'at ngan Allah. Aku ngerjauka titu ngan kici'anku ngan perembakku,

RUM 15:18 ပူးပေါင်းရင်းမြစ်များ

MATIUS 25:16

Anak-bua diau nerimau limau ribu tanci emas tadi pegi bedagang ngan tancitu, mangku bulia untungau limau ribu tanci emas agi.

MARKUS 16:20

Mangku anak-buaHautu pegi ngiciakka ceritau iluaktu ke manau-manau. Mangku Tuhan ngenjuakka kuasau ngan ughangtu ngerjauka titu. Ngan tandau nyelia Diau mbuktika, bansau setu diau dikiciakka ughangtu benagh.]

RASUL 14:27

La sampai di situ, ughangtu ngajung jemau percayau betunggal, mangku ughang duautu nceritauka gegalaunyau diau la Allah kerjauka ngan ughangtu, luak manau Allah la nyatauka, supayau bangsau lain pulau pacak percayau ngan Allah.

RASUL 15:12

Jemau diau betunggal di situ diam galau, mangku ndengaghka Paulus ngan Barnabas nceritauka gegalau tandau nyelia diau la Allah kerjauka ngan ughang duautu di guak jemau bangsau lain.

RASUL 15:4

La sampai di Yerusalim, ughangtu diterimau ngan iluak ngan jemau Keristen ngan rasul-rasul ngan pengulu-pengulu, mangku diceritauka gegalaunyau diau dikerjauka Allah ngan ughangtu.

RASUL 21:19

Paulus ngiciakka pesan jak di jemau Keristen lain, mangku nceritauka ngan neghagi nian gegalaunyau diau dikerjauka Allah di guak jemau bangsau lain karnau kerjau Paulus.

RASUL 26:20

Ngan terang-terangan aku ngiciakka ngan jemau, mbak bansau ughangtu mesti ngubai peremba'au jak di dusaunyau ngan ngulang njenguak Allah ngan mbuktika ngan idupau, bansau ughangtu la ngubai nian. Aku ngiciakka titu dulu sekali di Damsik, udim itu di Yerusalim ngan di gegalau Yudia, mangku pulau ngan jemau bangsau lain.

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RUM 16:26

Anyautu mbak kini rencanau itu la dinyatauka karnau perinta Allah, mangku dikiciakka ngan gegalau bangsau jak di tulisan nabi-nabi, supayau ughangtu percayau ngan ta'at ngan Allah.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

2 KURINTUS 11:31

Allah, Bapak jak di Yesus, Tuhan kitau, keruan aku nidau mbu'ung. Tepujila namaunyau selelamaunyau.

2 KURINTUS 12:6

Misalau aku endak muji diriku, aku nidau ka mbu'ung, aku ka ngiciakka diau benagh. Anyautu aku na'an diriku, supayau jangan adau jemau diau nganggap aku lebia jak di setu diau dikinak di aku ngan didengagh jak di aku.

2 KURINTUS 3:5

Amun kamini ajau, kami nidau sanggup ngerjauka kerjau itu. Anyautu Allah diau nyanggupka kami.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

GALATIA 2:8

Allah njadika Pitrus rasul batan endak jemau besunat. Diautu pulau njadika aku rasul batan endak jemau nidau besunat.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

IBRANI 11:8

Karnau percayau, mangku Abraham ta'at, masau diau dipilia ngan diajung pegi ke nenggeri diau Allah janjika ngan diau. Mangku Abraham bejalan, nidau keruan ka ke manau diau.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

YAKUBUS 1:22

Kamu mesti ngerjauka katau Allah, jangan cuman ndengagh ajau. Amun nidau luak itu, kamu nipuka diri kamu sendighi.

1 YUHANIS 3:18

Anakbuaku, jangan kitau nyayangi cuman di mulut ngan kici'an ajau. Kitau mesti nyayangi nian ngan mbuktikanyau ngan perembak kitau.

YUDAS 1:9

Mikail, pengulu malaikattu, nidau pulau ngerjauka titu. Masau diau bebala ngan Iblis mbalaka sapau diau ka dapat mayat Musa, nidau beghani nggelakka Iblis ngan kici'an. Diau cuman ngiciakka, “Tuhan ka marai kaba!”