RUM 15:14 - PEJANJIAN EMPAI CERITAU ILUAK

¹⁴ Kantin-kantinku, aku keruan, bansau kamutu iluak. Kamutu pulau la keruan gegalaunyau, mangku pacak sangi ajaghi.

RUM 15:14 ပူးပေါင်းရင်းမြစ်များ

1 KURINTUS 12:8

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah.

1 KURINTUS 13:2

Empuak aku pacak ngiciakka katau Allah ngan ngerti gegalau resiau Allah ngan ngeruani gegalaunyau, empuak aku percayau nian ngan Allah, mangku pacak ngaliaka gunung, anyautu aku nidau nyayangi jemau, dikit kia aku nidau begunau.

1 KURINTUS 8:1

Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

1 KURINTUS 8:10

Misalau kamu diau la keruan mangku duduak makan di keramat, mangku jemau diau kurang kepercayauannyau nginak kamu, jemautu pulau dibeghanika makan daging diau la disiwaukatu.

1 KURINTUS 8:7

Anyautu nidau bilang ughang ngeruani titu. Adau jemau diau senitu pegi ke keramat, mbak kini diau gi meghasau, bansau makanan diau la disiwaukatu makanan diwau. Mangku amun ughangtu makan makanan itu, ughangtu meghasau bedusau, karnau kepercayauannyau lum tegua.

2 KURINTUS 8:7

Keilu'an adau galau di kamu. Carau kamu percayau, carau kamu nyatauka pendapat, carau kamu pengertian, carau kamu nulung jemau ngenian, carau kamu nyayangi kami iluak galau. Karnau itu mbak kini iluakla kamu ngerjauka kerjau diau iluaktu pulau.

IPISUS 5:9

Jak di terang itu nimbul gegalau kerjau diau iluak ngan adil ngan benagh.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

PILIPI 1:7

Gegalau kamu maju adau di atiku. Nyela, sepantasau aku bepeghasauan luak itu tuadap kamu. Gegalau kamu la nulung aku ngan kerjauku diau dienjuakka Allah ngan aku, empuak masau aku dijilka, empuak masau aku na'anka ngan mbenaghka ceritau iluak itu.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

1 TESALUNIKA 5:11

Itula sebapau kamu mesti sangi tulungi ngan teguaka ati kamu, luak diau la kamu kerjauka.

1 TESALUNIKA 5:14

Kami ngajung kamu pulau, supayau kamu negughi jemau diau enggup bekerjau. Teguaka ati jemau diau asau-asau. Tulungla jemau diau litak. Ngalighla ngan gegalau jemau.

2 TESALUNIKA 1:11

Itula sebapau kami maju du'aka kamu, supayau Allah njadika kamu pantas idup nuruti kenda'Au, karnau batan endak itula kamu dipilia. Kami bedu'a, supayau Allah ngan kuasauNyau nulung kamu endak ngerjauka setu diau iluak diau endak kamu kerjauka, karnau percayau ngan Keristus.

2 TIMUTIUS 1:5

Karnau aku teghingat kaba percayau nian ngan Keristus semegi luak niniak kaba Luis ngan mak kaba Iuniki, mangku aku yakin kaba percayau pulau luak itu.

PILEMUN 1:21

Gegalaunyautu kutulis ngan percayau, bansau kaba ka ngerjauka setu diau kupintak. Aku keruan lebia jak di itu ka kaba kerjauka.

IBRANI 5:12

Sebenaghau la masaunyau kamu ngajagh jemau, tenyatau kamutu diau mintak diajagh setu diau dulu sekali diajaghka ceritau ajaghan Allah. Kamu gi minum puan, lum pacak makan makanan keghas.

IBRANI 6:9

Kantin-kantinku diau kusayangi, empuak kami ngiciak luak itu, kami percayau ngan kamu. Kami yakin, bansau kamu ka milia jalan diau iluak mangku kamu ka selamat.

2 PITRUS 1:12

Karnau itu aku maju ngingatka gegalaunyautu ngan kamu, empuak kamu la ngeruaninyau ngan percayau nian ngan ceritau jak di Allah diau la kamu terimautu.

1 YUHANIS 2:21

Aku nulis itu ngan kamu, ukan karnau kamu nidau keruan diau benagh, tapitu karnau kamu la ngeruaniNyau nian, mangku kamu keruan, bansau ajaghan diau benaghtu nidau mbu'ung.