RUM 14:9 - PEJANJIAN EMPAI CERITAU ILUAK

⁹ Keristus la mati ngan idup agi, mangku Diau njadi Tuhan jemau diau mati ngan jemau diau idup.

RUM 14:9 ပူးပေါင်းရင်းမြစ်များ

MATIUS 28:18

Yesus masighi ughangtu ngan bekatau, “Gegalau kuasau di sergau ngan di deniau la diseraka ngan Aku.

LUKAS 24:26

Nyela, Rajau Penyelamat mesti meghasauka sengsarau itu kudai mangku diregaui.”

YUHANIS 12:24

Ngenian katauKu ini: Amun semughak padi nidau ditugalka ke tana, mangku nidau busuak, diau ka maju semughak itula. Anyautu amun mughaktu busuak karnau tumbua, mangku ka banyak asilau.

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

RASUL 10:42

Mangku Diau ngajung kami ngiciakkaNyau ngan gegalau bangsau ngan nceritauka, bansau Diautu dijadika Allah akim jemau diau gi idup ngan jemau diau la mati.

RUM 10:9

Karnau amun kamu ngaku'i ngan mulut, bansau Yesusla Tuhan, ngan percayau dalam ati, bansau Allah la ngidupka Diau jak di mati, kamu ka selamat.

2 KURINTUS 5:14

Kasia Keristus nguasaui kami, mangku kami keruan, amun sughang la mati batan gegalau jemau, mangku itu bereti gegalau jemau la mati.

1 TESALUNIKA 4:14

Kitau percayau, bansau Yesus la mati, la idup agi, mangku kitau percayau pulau, bansau jemau percayau diau la mati ka diidupka ngan ditunggalka Allah di guak Yesus.

1 TESALUNIKA 5:10

Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 PITRUS 4:5

Ughangtu nanti mesti nanggung-jawabka kerjau ughangtu ngan Allah diau la nunggu endak ngadili jemau diau idup ngan diau mati.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.

PENGINA'AN 2:8

“Ngan malaikat jemau Keristen di Semirna tuliskala luak ini: ‘Inila katau Aku, Aku dulu sekali ngan mendian sekali. Aku la mati mangku ngulang idup.