RUM 14:8 - PEJANJIAN EMPAI CERITAU ILUAK

⁸ Kitau idup, idup batan endak Tuhan. Kitau mati, mati batan endak Tuhan. Empuak idup empuak mati kitauni hak Tuhan.

RUM 14:8 ပူးပေါင်းရင်းမြစ်များ

LUKAS 20:38

Na, Allah ukan Allah jemau mati, anyautu Allah jemau idup, karnau di adapan Allah gegalau jemau idup.”

YUHANIS 21:19

Ngan kici'an luak itu tadi Yesus nunjuakka carau Pitrus ka mati endak ngagungka Allah. La udim ngiciak luak itu, katau Yesus ngan Pitrus, “Ikutkala Aku!”

RASUL 13:36

Daud ngerjauka kendak Allah mangku mati ngan dikuburka guak niniak puyangau. Nyela, mayatau busuak.

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

1 KURINTUS 15:23

Anyautu bilang jemau ka diidupka nurut gilirannyau: Dulu sekali Keristus, nanti masau Diau datang agi, giliran jemau diau njadi hak Keristus.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

PILIPI 2:17

Berangkali daghaku ka ditumpaka luak dicughuaka di pucuak kerban diau kamu enjuakka ngan Allah karnau percayau. Amun titu ka tejadi nian, aku beterimau-kasia ngan ikut riang ngan kamu.

PILIPI 2:30

Karnau kerjau Keristustu diau mis mati. Diau sukau nyeraka nyawaunyau endak nulung aku, karnau gegalau kamu nidau pacak ngerjaukanyau.

1 TESALUNIKA 5:10

Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

PENGINA'AN 14:13

Mangku aku ndengagh suarau jak di sergau ngiciak, “Tuliskala! Mulai mbak kini riangla jemau mati diau mati la percayau ngan Tuhan.” “Nyela!” Katau Rua Allah, “Mangku ughangtu pacak gheghadu jak di kerjaunyau diau ngeriakatu, karnau asil kerjau ughangtu ka maju ngikut ughangtu.”