RUM 14:18 - PEJANJIAN EMPAI CERITAU ILUAK

¹⁸ Amun jemau bekerjau batan endak Keristus ngan carau luak itu, jemautu melemakka ati Allah ngan diregaui jemau.

RUM 14:18 ပူးပေါင်းရင်းမြစ်များ

MARKUS 13:34

Masau itu ibarat sughang diau ninggalka ghumahau mangku pegi ke bada diau jawua. Diau ngajung anak-buahau ngurus ghumahau, adau kerjau sesughangan. Diau bepesan ngan tukang nunggu duaghau, supayau bejagau iluak-iluak.

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

RASUL 10:35

Bilang jemau, amun percayau ngan takut ngan Allah ngan ngerjauka diau benagh, diterimau Allah. Diautu nidau milia rupau.

RUM 12:11

Rajinla bekerjau, jangan malas. Bekerjaula batan endak Tuhan ngan riang jak di Rua Allah.

RUM 14:4

Kamu nidau bulia ngadili budak jemau. Apu diau benagh apu sala, itu urusan tuanau. Nyela, budak itu ka ngerjauka setu diau benagh, karnau Tuhan pacak njagaui diau, supayau maju ngerjauka setu diau benagh

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

RUM 6:22

Anyautu mbak kini kamu la dilepaska jak di dusau mangku njadi budak Allah. Untungau kamu la idup batan endak Allah mangku bulia idup sejati selelamaunyau.

1 KURINTUS 7:22

Karnau budak diau percayau ngan Tuhan njadi jemau bibas karnau Tuhan. Mangku jemau bibas diau percayau ngan Keristus njadi buda'Au.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

2 KURINTUS 5:11

Kami keruan retiau takut ngan Tuhan. Karnau itu kami beusaha meyakinka jemau. Allah keruan ati kami, mangku aku ngaghap kamu pulau keruan kami dalam ati kamu.

2 KURINTUS 5:9

Mangku kami beusaha nian melemakka atiAu, empuak kami mendam di anjung kami di sini, empuak di situ.

2 KURINTUS 6:4

Anyautu gegalau kerjau kami nunjuakka kami bekerjau batan endak Allah. Kami la nanggungka gegalau sengsarau ngan penanggungan ngan ngaligh nian.

2 KURINTUS 8:21

Kami endak mbuat jujur, ukan cuman di adapan Tuhan, tapitu pulau di adapan jemau.

PILIPI 4:18

Mbak kini aku la nerimau gegalaunyau, la lebia jak di cukup. Gegalau pengenjuak kamu la kuterimau jak di Epapruditus. Gegalaunyau diau kuendak la adau galau. Pengenjuak kamutu luak kerban diau bembau ghum diau dikerbanka ngan Allah ngan diterimau ngan riang.

PILIPI 4:8

Mangku, kantin-kantinku, rupuakkala setu diau begunau ngan pantas dipuji, gegalaunyau diau benagh, diau diregaui, diau adil, diau beresia, diau alap ngan iluak.

KULUSI 3:24

Ingatkala bansau kamu ka nerimau upa jak di Tuhan diau dijanjikaNyau, karnau Keristus Tuhan kamu ngan kamu bekerjau batan endak Diau.

1 TIMUTIUS 2:3

Itula diau iluak ngan melemakka ati Allah, Penyelamat kitau.

1 TIMUTIUS 5:4

Anyautu amun sughang randau adau anak ngan cucung, ughangtula diau mesti belajagh, bansau ughangtu wajib nulung denga-sana'au ngan mbalas keilu'an pejadi ngan nini'au. Itula diau melemakka ati Allah.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 2:20

Apu kamu dipuji, amun kamu nanggungka ukuman diau semestiau kamu tanggung karnau besala? Anyautu amun kamu nanggung karnau kerjau diau iluak, mangku Allah ka iluak ngan kamu.

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.