RUM 12:7 - PEJANJIAN EMPAI CERITAU ILUAK

⁷ Jemau diau pacak nulung jemau mesti nulung nian. Jemau diau pacak ngajagh mesti ngajagh nian.

RUM 12:7 ပူးပေါင်းရင်းမြစ်များ

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

YUHANIS 3:2

Adau semalam diau datang njenguak Yesus, kataunyau, “Rabi, kami keruan, Kaba sughang Guru diajung Allah, karnau nidau bediau sughang kia diau pacak mbuat tandau diau luak Kaba buat, amun ukan Allah diau ngenjuakka kuasau ngan diau.”

RASUL 13:1

Di jemau Keristen di Antiukia adau bebeghapau nabi ngan guru agamau. Namaunyau Barnabas, Simiun diau pulau dikiciakka Nigir, Lukius, jemau Kirini, ngan Menahim diau diajagh serempak ngan gubernur Herudis, ngan Saulus.

RASUL 20:20

Aku nidau mandak ngiciakka setu diau begunau ngan kapu dighi. Gegalaunyautu kukiciakka ngan ajaghka, empuak di mukau jemau banyak empuak di ghuma kapu dighi.

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 6:1

Anak-bua Yesus tamba lamau tamba banyak. Mangku jemau Yahudi diau bebasau Yunani bemumut mumuti jemau Yahudi asli, karnau randaunyau nidau dapat bagian luak diau dienjuakka ngan randau lain batan makanan idang aghi.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 12:5

Adau bemecam-mecam kerjau batan endak Tuhan, anyautu Tuhan gi sughang.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

GALATIA 6:6

Jemau diau nerimau ajaghan ceritau Keristus semestiau mbagika ngan guruau gegalaunyau diau iluak diau adau di diau.

IPISUS 4:11

Mangku tuapau retiau, “Diau ngenjuakka pengenjuak ngan manusiau”? Adau diau dipilia njadi rasul, adau diau njadi nabi. Adau diau dipilia ngiciakka ceritau iluak. Adau diau dipilia mimpin jemau Keristen, adau pulau diau ngajagh jemau Keristen.

KULUSI 4:17

Kiciakka ngan Arkipus, bansau diau mesti ngudimka kerjau diau diajung ngan diau batan endak Tuhan.

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

1 TIMUTIUS 3:2

Karnau itu pengulu jemau Keristen mesti jemau diau nidau bediau salahau. Buntingau cuman sughang. Diau mesti nguasaui diriau, bepengertian, ngelapan, galak nerimau jemau di ghumahau, pacak ngajagh jemau.

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

1 TIMUTIUS 5:17

Pengulu diau iluak kerjaunyau pantas diregaui duau kali lipat, terutamau jemau diau rajin beketuba ngan ngajagh.

2 TIMUTIUS 2:2

Ajaghan diau la kaba dengagh jak di aku di mukau jemau banyak mesti kaba percayauka ngan jemau diau pacak dipercayaui ngan cakap ngajagh jemau.

2 TIMUTIUS 2:24

Jemau diau bekerjau batan endak Tuhan nidau bulia bebala. Diau mesti iluak ngan gegalau jemau ngan pacak ngajagh jemau ngan ngaligh,

2 TIMUTIUS 4:2

kiciakkala katau Allah. Kaba maju ngerjaukanyau, empuak masau iluak empuak masau nidau iluak. Yakinkala jemau, tunjuakkala setu diau sala, tegughila ngan ngajaghila jemau ngan ngaligh.