RUM 12:5 - PEJANJIAN EMPAI CERITAU ILUAK

⁵ Luak itu pulau kitau. Empuak banyak, kitau cuman sutiak badan karnau seghundak ngan Keristus. Mangku bilang kitau dandananNyau luak dandanan sutiak badan.

RUM 12:5 ပူးပေါင်းရင်းမြစ်များ

YUHANIS 17:11

Mbak kini Aku njenguak Dighi. Akuni nidau agi di deniauni, anyautu ughangtu gi adau di deniauni. Bak, diau suci, sayiala ughangtu ngan kuasau namau Dighi, namau diau la Dighi namauka ngan Aku, supayau ughangtu njadi seghundak luak Kitau.

RUM 12:4

Badan kitau banyak dandanan. Bilang dandanan lain gunaunyau.

1 KURINTUS 10:17

Ruti cuman sebua, mangku kitau diau makanau empuak banyak njadi sutiak, karnau gegalau kitau bulia bagian jak di ruti diau sebuatu.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

1 KURINTUS 12:20

Nyela nian, bemecam-mecam dandanannyautu, anyautu badan gi sutiak.

1 KURINTUS 6:15

Kamu la keruan, badan kamu angguta Keristus. Apu ka kitau ambiak angguta Keristus endak diseraka ngan tinau ja'at? Nidau ka adau!

IPISUS 1:23

Ughangtu umpamau badan Keristus, la disempernauka Keristus diau nyempernauka gegalaunyau.

IPISUS 4:12

Gegalaunyau dikerjaukaNyau, supayau umat Allah didandani galau, mangku pacak bekerjau batan endak Tuhan, mangku badan Keristus, diautu jemau percayau, diteguaka.

IPISUS 4:25

Karnau itu, jangan agi mbu'ung. Kiciakkala diau benagh sughang ngan diau lain, karnau kitau angguta badan Keristus galau.

IPISUS 5:23

karnau laki ngepala'i biniau luak Keristus ngepala'i jemau Keristen. Lagi pulau Diautu Rajau Penyelamat jemau Keristen. Ughangtu umpamau badanAu.

IPISUS 5:30

karnau kitau umpamau dandanan badan Keristus.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

KULUSI 2:19

Diautu nidau agi bepaut ngan Keristus diau luak palak. Diau njagaui ngan nyatuka gegalau badan ngan ughat ngan sendi, mangku tumbua nurut kendak Allah.