RUM 12:2 - PEJANJIAN EMPAI CERITAU ILUAK

² Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

RUM 12:2 ပူးပေါင်းရင်းမြစ်များ

MATIUS 13:22

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an tadi nidau pacak mendam di atiau, mangku endiak bebua.

MARKUS 4:19

anyautu diau ghegak, kalu nidau dapat pengidupan, tetipu endak idup kayau ngan beribu peku serilau diau adau dalam ati jemau itu. Gegalaunyautu ngincitka ceritau Allah tadi, mangku nidau buasil.

YUHANIS 14:30

Aku nidau ka ngiciak banyak agi ngan kamu, karnau la masaunyau penguasau deniauni datang. Anyautu diau nidau bekuasau ngan diriKu.

YUHANIS 15:19

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.

YUHANIS 17:14

La Kukiciakka ngan ughangtu kici'an Dighi, mangku deniau meluatka ughangtu, karnau ughangtu nidau jak di deniau, luak Aku pulau nidau jak di deniau.

YUHANIS 7:7

Jemau di deniauni nidau ka adau meluatka kamu. Anyautu Aku diau diluatka jemau, karnau Aku maju ngiciakka ngan jemau, bansau peremba'au ja'at.

RUM 12:1

Mangku, kantin-kantinku, Allah iluak nian ngan kitau. Itula sebapau aku mintak nian ngan kamu, supayau kamu nyeraka diri kamu njadi kerban diau idup batan endak Allah ngan melemakka atiAu. Luak itula semestiau kamu nyemba Allah.

RUM 13:14

Enangka Tuhan Yesus Keristus njagaui kamu. Jangan nuruti serilau manusiau diau bedusau, jangan muaskanyau.

RUM 7:12

Ukum Taurattu beresia ngan perintahau pulau beresia, benagh ngan iluak.

RUM 7:14

Kitau keruan, ukum Taurat asalau jak di Rua Allah. Anyautu aku manusiau biasau. Aku la tejual njadi budak dusau.

RUM 7:22

Atiku riang nian ngan perinta Allah.

1 KURINTUS 3:19

Setu diau dianggap deniau pintar dikiciakka Allah bigal. Dalam Injil ditulis, “Allah ngenangka manusiau tetangkap ngan kepintarannyau.”

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

GALATIA 1:4

Keristus na'ati kendak Allah Bapak kitau, mangku Diau nyeraka nyawauNyau batan endak dusau-dusau kitau, supayau kitau diselamatka jak di deniau diau ja'at ini.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

IPISUS 5:17

Jangan kamu bigal, anyautu beusahala ngeruani kendak Tuhan.

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

1 TESALUNIKA 4:3

Inila kendak Allah, supayau kamu idup beresia. Jangan kamu menaugawia.

TITUS 3:5

Masau itu Diau nyelamatka kitau, ukan karnau kitau ngerjauka setu diau iluak, tapitu karnau Diau sayang ngan kitau. Diau nyelamatka kitau ngan carau mbasua kitau endak ngenjuakka idup diau empai. Titu dikerjauka Rua Allah

YAKUBUS 1:27

Keta'atan agamau diau ngenian nurut Allah Bapak, itu nulung jemau anak umang ngan randau diau sengsarau ngan njagaui diri, mangku jangan dirusakka deniau.

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.

1 PITRUS 1:14

Kamu la ta'at ngan Allah, mangku jangan nuruti serilau kamu senitu, luak masau kamu lum keruan Allah.

1 PITRUS 1:18

Kamu keruan, bansau kamu la ditebus jak di idup diau nidau begunau diau kamu bulia jak di niniak puyang kamu. Bayighan batan endak kamu ukan emas ngan pirak diau pacak lengit regaunyau,

1 PITRUS 2:3

Luak ditulis di Injil, “Kamu la meghasauka Tuhan itu iluak nian.”

1 PITRUS 4:2

Mangku mulai mbak kini selamau gi adau di deniau idupla nurut kendak Allah, jangan agi nurut serilau manusiau.

2 PITRUS 1:4

Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.

2 PITRUS 2:20

Amun sughang jemau la keruan Tuhan ngan Rajau Penyelamat kitau Yesus Keristus, diau la bibas jak di kuasau deniau diau merusakka manusiau. Anyautu amun diau ngulang agi dikuasauinyau, mangku diau tamba pansan agi jak di senitu.

1 YUHANIS 3:13

Nidau nanti kemangan, amun deniau luat ngan kamu.

1 YUHANIS 5:19

Kitau keruan, bansau kitauni asalau jak di Allah, empuak gegalau deniauni dikuasaui Iblis.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.