RUM 12:12 - PEJANJIAN EMPAI CERITAU ILUAK

¹² Aghapkala Tuhan ngan riang. Amun adau penanggungan, ngalighla ngan maju bedu'a.

RUM 12:12 ပူးပေါင်းရင်းမြစ်များ

MATIUS 5:12

Nabi-nabi timpau senitu la dibuati luak itu. Riangla nian kamu, karnau upa kamu besak di sergau.”

LUKAS 10:20

Empuak luak itu, jangan kamu keinji'an, karnau iblis tunduak ngan kamu. Iluakla kamu injiak, karnau namau kamu la tecatat di sergau.”

LUKAS 21:19

Amun kamu ka beta'an ngan sabar, kamu ka selamat.”

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

RASUL 1:14

Gegalau rumbungan itu maju seghundak ngan rajin bedu'a. Ughangtu bedu'a ngan tinau-tinau, ngan pulau Maria, mak Yesus, ngan ading-beghading Yesus.

RASUL 12:5

Luak itula Pitrus dijilka. Anyautu jemau percayau maju ndu'akanyau ngan ngenian.

RASUL 2:42

Ngan rajin jemau diau percayautu belajagh jak di rasul ngan maju seghundak. Ughangtu makan, makan jamuan Tuhan ngan bedu'a seghundak.

RASUL 6:4

Mangku tugas kamini bedu'a ngan nceritauka katau Allah.”

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 15:4

Gegalaunyau diau la ditulis di Injil endak ngajagh kitau, supayau kitau tekun ngan tegua ngaghapka Allah, karnau ajaghan Injiltu.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 8:25

Anyautu amun kitau ngaghapka setu diau lum kitau kinak, mangku kitau ta'an nungguau.

1 KURINTUS 13:13

Mangku penarau ini adau tigau mecam diau mesti kitau kerjauka: percayau, ngaghapka ngan nyayangi jemau. Mangku diau penting sekali jak di tigau itu nyayangi jemau.

2 KURINTUS 12:8

La tigau kali aku mintak ngan Tuhan, supayau titu diambiak jak di aku.

PILIPI 3:1

Mangku, kantin-kantinku, riangla kamu karnau la seghundak ngan Tuhan. Aku nidau meghasau beghat endak ngulangi setu diau la kutulis senitu, mangku kamu keruan nian.

PILIPI 4:4

Luak manau kila kamu mesti riang karnau seghundak ngan Tuhan. Sekali agi aku ngiciakka: Riangla kamu!

KULUSI 1:11

Mangku kamu diteguaka ngan kuasau Allah diau agung endak nanggungka gegalaunyau ngan ngaligh ngan riang.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

KULUSI 4:2

Bedu'ala maju ngan sepepadau penarau bedu'a ngan beterimau-kasia ngan Allah.

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

1 TESALUNIKA 5:8

Anyautu kitau ini anak terang. Karnau itu rupu'an kitau mesti terang. Kitau mesti maju percayau ngan Tuhan ngan nyayangi jemau, lagi ngaghapka Allah nyelamatka kitau. Itula pakaian diau njagaui kitau.

2 TESALUNIKA 1:4

Itula sebapau kami muji kamu di guak jemau Keristen. Riang nian kami nceritauka kamu, karnau kamu maju percayau ngan tekun ngan Keristus, empuak kamu diluatka ngan dianiayau.

2 TESALUNIKA 3:5

Kami bedu'a, supayau Tuhan nulung kamu, mangku kamu terti nian kasia Allah ngan carau Keristus nanggung ngan ngaligh.

1 TIMUTIUS 6:11

Anyautu kaba la njadi hak Allah, mangku kaba mesti njawuhi gegalaunyautu. Usahala njadi jemau diau benagh di adapan Allah, diau idup batan endak Allah ngan ngelapan, diau nyayangi jemau, ngaligh ngan nyanauka jemau.

2 TIMUTIUS 3:10

Anyautu kabatu la ngikuti ajaghanku, carau ngan tujuan idupku. Kaba la nginak carau aku percayau ngan nyayangi jemau. Kaba pulau keruan aku ngaligh ngan tekun.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

TITUS 3:7

Mangku kitau diau la dibenaghka karnau keilu'anNyautu bulia idup selelamaunyau diau kitau aghapkatu.

IBRANI 10:32

Ingatkala senitu, masau kamu empai percayau ngan Yesus, kamu banyak tanggungan. Anyautu kamu maju beta'an.

IBRANI 10:36

Kamu mesti tekun, supayau kamu pacak ngerjauka kendak Allah, mangku kamu nerimau setu diau dijanjikaNyau.

IBRANI 12:1

Mangku kitauni banyak nian cuntau, jemau diau percayau tadi. Karnau itu mela kitau pulau ncapakka gegalaunyau diau mbeghati kitau ngan dusau diau maju melekat ngan kitau. Mela kitau maju betanding ngan tekun petandingan diau kitau ikuti.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 5:7

Masau Yesus adau di deniauni, Diau bedu'a sampai nangis, mintak ngan Allah diau pacak ngilakkaNyau jak di mati. Mangku Diau didengaghka, karnau Diau nunduak takut ngan Allah.

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

IBRANI 6:15

Abrahamtu nunggu ngan ngaligh mangku nerimau setu diau dijanjikatu.

YAKUBUS 5:7

Karnau itu, ngalighla, enggut Tuhan datang. Kina'ila jemau tani. Ngan ngaligh diau nantika asil diau beregau jak di umaunyau. Ngan ngaligh diau nantika pangkau ujan.

1 PITRUS 4:13

Anyautu kamu mesti riang, karnau kamu ngikut sengsarau ngan Keristus. Mangku kamu pulau ngikut riang nian, amun keagunganNyau diancakka nanti.

1 PITRUS 4:7

Gegalaunyau laka bekesudiman. Karnau itu kamu mesti nguasaui diri kamu ngan sepepadau, supayau kamu pacak bedu'a.

2 PITRUS 1:6

Ngeruani kendak Allah ditamba ngan nguasaui diri. Nguasaui diri ditamba ngan tekun. Tekun ditamba ngan ta'at ngan Allah.

PENGINA'AN 13:10

Jemau diau la ditetapka endak dijilka cetau ka dijilka. Jemau diau la ditetapka endak dibunua ngan pedang cetau ka dibunua ngan pedang. Diau penting supayau jemau percayau maju tekun ngan ngaligh ngan maju percayau.