RUM 11:7 - PEJANJIAN EMPAI CERITAU ILUAK

⁷ Rupaunyau jemau Israil nidau dapat setu diau didalak, anyautu jemau diau ndapatau jemau diau dipilia Allah. Diau lain nuli, mangku nidau pacak ndengagh suarau Allah.

RUM 11:7 ပူးပေါင်းရင်းမြစ်များ

MARKUS 6:52

Tandau nyelia ngan limau bua ruti tadi lum kila ughangtu terti. Ughangtu segau ngerti.

LUKAS 13:24

Yesus nimbal, “Beusahala, mangku masuak jalan duaghau supit, karnau ingatkala, banyak jemau ncubau endak masuak, anyautu nidau pacak.

YUHANIS 12:40

‘Aku la mbutauka matau ughangtu ngan mbuat ughangtu keghas ati, supayau matau ughangtu jangan nginak ngan rupu'an ughangtu jangan terti, mangku ughangtu jangan ngulang njenguak Aku, mangku Aku jangan meghadui ughangtu.’ ”

RUM 10:3

Ughangtu nidau terti carau manusiau seilu'an ngan Allah. Ughangtu ngikut carau ughang itula, nidau nerimau carau diau ditunjuakka Allah.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RUM 11:5

Luak ini pulau mbak kini adau tigha jemau diau dipilia Allah karnau keilu'anNyau.

RUM 3:9

Mbak kini luak manau? Tuapau lebihau kitau jemau Yahudi? Nidau bediau lebihau. La kukiciakka, empuak jemau Yahudi empuak jemau bangsau lain, gegalaunyau dikuasaui dusau.

RUM 6:15

Mangku luak manau kitau? Apu bulia kitau mbuat dusau, karnau kitau nidau agi dikuasaui ukum Taurat, tapitu disayangi Allah? Nidau ka adau!

RUM 9:18

Mangku Allah nyialka jemau diau endak disialkaNyau. Diau mbuat jemau melawan, amun dikenda'iNyau.

RUM 9:23

Allah pulau endak nunjuakka keagungan ngan kekayauan diau nidau abis-abis ngan kitau diau disayangiNyau, kitau diau la disediauka endak diagungka,

1 KURINTUS 10:19

Tuapau reti katauku ini? Apu makanan diau disiwauka adau retiau? Apu diwau penting?

2 KURINTUS 3:14

Anyautu rupu'an ughangtu tetutup. Enggut mbak kini rupu'an ughangtu masia tetutup, amun ughangtu mbacau kitab janji diau lamau itu. Rupu'an ughangtu cuman pacak tebukak, amun seghundak ngan Keristus.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

IPISUS 1:4

Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

IPISUS 4:18

Rupu'an ughangtu la nyimpang. Ughangtu nidau meghasauka idup diau dienjuakka Allah, karnau ughangtu bigal ngan melawan.

PILIPI 1:18

Anyautu nidau ngapau-ngapau! Diau penting Keristus diceritauka luak manau kila, empuak ngan tujuan iluak, empuak ngan tujuan nidau iluak. Itula sebapau aku riang ngan maju ka riang.

IBRANI 12:17

Kamu keruan, bansau udim itu diau endak didu'aka luak anak tuau, anyautu ditulak, nidau bediau agi jalan endak ngilu'i salahau, empuak mintak sampai nangis.

1 PITRUS 1:2

Kamu dipilia luak diau la direncanauka Allah Bapak. Kamu la diberesiaka Rua Allah, supayau kamu idup ta'at ngan Yesus Keristus ngan dibasua ngan daghaHau. Aku bedu'a, supayau Allah iluak nianan ngan kamu, maju ngenjuakka damai.