RUM 11:25 - PEJANJIAN EMPAI CERITAU ILUAK

²⁵ Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RUM 11:25 ပူးပေါင်းရင်းမြစ်များ

MATIUS 13:11

Katau Yesus, “Ngan kamu la dinyatauka resiau ngeruani Allah njadi rajau ngan kekuasauanNyau tapitu ngan ughangtu nidau.

LUKAS 21:24

Separau ka dibunua ngan pedang, separau agi ka dibata'i luak anak kawalan ke gegalau deniau. Yerusalim ka dipija'i jemau diau nidau percayau ngan Allah, enggut abis masau diau ditetapka Allah batan endak ughangtu.”

YUHANIS 10:16

Masia adau agi bebiri lain ngan Aku diau nidau masuak sangkaran ini. Bebiri itu mesti Kubatak pulau, mangku bebiritu ka ndengaghka suarauKu. Gegalau bebiritu ka njadi seghundak ngan sughang tukang sayia.

RUM 1:13

Kantin-kantinku, aku endak, supayau kamu keruan, bansau la rajin aku endak nian berayak ngan kamu, anyautu maju adau alangan. Aku endak, supayau di guak kamutu pulau kerjauku buasil, luak kerjauku buasil di guak jemau bangsau lain.

RUM 11:12

Jemau Yahudi besala ngan nidau nuruti kendak Allah, mangku Allah iluak nian ngan jemau bangsau lain, apau agi amun jemau Yahudi seilu'an ngan Allah, cengki besakla keilu'an Allah ngan gegalau deniau.

RUM 11:24

Amun kamu diau la diambiak jak di batang saitun diau karut mangku pacak dicangkuakka di batang saitun diau iluak, apau agi ughangtu, cengki mura diulangka ke batang asalau.

RUM 12:16

Suijauanla sughang ngan diau lain. Jangan geduak. Terimaula pulau jemau diau nidau diregaui. Jangan anggap diri kamu pintar.

RUM 16:25

Tepujila Allah! Diau bekuasau neguaka kamu nurut ceritau iluak jak di Allah diau kuceritauka ngiciakka Yesus Keristus. Aku ngiciakka titu nurut setu diau dinyatauka Allah ceritau rencanau Allah diau buabad-abad nidau dikeruani jemau.

RUM 9:18

Mangku Allah nyialka jemau diau endak disialkaNyau. Diau mbuat jemau melawan, amun dikenda'iNyau.

1 KURINTUS 10:1

Kantin-kantinku, kamu la keruan setu diau la tejadi ngan niniak puyang kitau, timpau ughangtu ngikut Musa. Ughangtu dibayangi aban galau, mangku nyembeghangi Laut Abang ngan selamat.

1 KURINTUS 12:1

Kantin-kantinku, mbak kini ceritau pengenjuak Rua. Ceritau itu kendakku, supayau kamu keruani diau benagh.

1 KURINTUS 2:7

Pengertian diau kukiciakkatu pengertian jak di Allah. Pengertiantu nidau dikeruani deniau. Allah la nyediaukanyau batan endak keriangan kitau, antak ka deniau dijadikaNyau.

1 KURINTUS 4:1

Anggapla kami pekerjau Keristus diau dipercayauka ngiciakka rencanau Allah diau lum keruan ngan deniau.

IPISUS 1:9

Diau la nyatauka ngan kitau resiau rencanauNyau, karnau Diau endak nyataukanyau. Rencanautu la direncanauka jak di penembai endak diudimi Keristus.

IPISUS 3:9

Diau pulau nugaska aku ngiciakka ngan gegalau jemau, luak manau Allah diau njadika gegalau deniauni ngerjauka rencanauNyau diau diresiauka senitu.

IPISUS 4:18

Rupu'an ughangtu la nyimpang. Ughangtu nidau meghasauka idup diau dienjuakka Allah, karnau ughangtu bigal ngan melawan.

2 PITRUS 3:8

Anyautu kantin-kantinku, jangan kamu lupau ini: Amun Tuhan, saghi semegi ngan seribu taun, seribu taun semegi ngan saghi.

PENGINA'AN 1:20

Mangku inila resiau tujua bintang diau kaba kinak di tangan kananKu ngan tujua tiang lampu emas ini: Tujua bintangtu malaikat jemau Keristen di tujua bada. Mangku tujua tiang lamputu tujua bada jemau Keristentu.”

PENGINA'AN 10:7

Anyautu amun malaikat ketujua ngembus terumpitau, mangku Allah ka ngerjauka rencanaunyau diau diresiaukatu, luak la dikiciakkaNyau ngan nabi-nabi, budak-buda'Autu.”

PENGINA'AN 11:15

La udim itu malaikat diau ketujua ngembus terumpitau, mangku adau suarau nyaghing di sergau, kataunyau, “Diau nguasaui deniauni Tuhan kitau ngan Rajau Penyelamat diau la dijanjikaNyau. Diau ka merinta luak rajau selelamaunyau.”

PENGINA'AN 7:9

La udim itu aku nginak, mangku adau tunggalan jemau banyak diau nidau kebilangan agi. Ughangtu jak di gegalau bangsau ngan jungku ngan pemili ngan basau betegak di adapan kerusi rajau ngan di adapan Anak Bebiritu. Ughangtu makai baju putia, mangku adau daun paku bindu di tanganau.